今日晏晝我執緊野時，電視廣播緊ETV，片中一名青年接電話時〝喂〞，
隔左幾秒突然聽到我身後既阿B又好大聲〝喂〞，
我瞬間轉身睇到阿B將佢既右手合成一個拳頭放在耳邊扮打電話，
這次發音非常清楚和正碓，唔知阿B係咪就講野呢？係就好喇！好期待。
阿B連續2個星期半夜1、2點就開始喊，
跟住佢地同佢搽左〝藥油〞就係廳到訓到天光，所以烚緊蛋一陣碌肚吸風。
未碌前笑容幾燦爛。
到碌時就〝呱呱〞聲，咁我就比餅佢食，食食下又吐返D出嚟！
之後我又比個MP4佢玩。
坐係肥仔隻腳上邊食餅邊玩。
娣婦煮左少少麵比阿B食，但佢食左少少就唔吃要飲水，
娣婦問〝係咪鹹得滯丫？〞，阿B〝嗯〞完後就不停點頭。
然後，倒咁D湯加水就好D，但又掛住睇電視，所以就坐到咁樣。
肥仔見到咁就將佢搬左去娣婦個位到，但佢都唔係好食，
唔知點解近排阿B唔係好食野。
我係另一邊好專心睇老公打機，聽到娣婦話收野就望一望過去就見阿B坐到咁。
初時個頭都係露左少少出嚟！然後佢見到我影佢相個頭就慢慢升出，
我見佢個嘴有雞蛋就行過去幫佢抺，抺完就走佢要我抱，
我唔理佢走人就喊~幾慘丫！
我抱佢去梳化坐，坐左半個字我地外賣到，佢一見到就立即拎開個〝咕臣〞，
然後慢慢向前滑又攪下旁邊個紙袋~扮晒野想落地食野。
衰仔起勢望住我既Washbi想食，好似尋日咁佢想食我加左辣椒炒既空心菜，
我話左唔得佢都要食，咁我緊係比佢食，食左2秒後即吐。
今次又係咁我就比少少佢試，可能少得滯冇野，再要就再多D就知~勁喇！
睇下佢個樣食到‧‧‧咔~咔！人人都係唔試試唔心息。
之後肥阿哥比佢就擰轉面喇！不過，佢又望住Washbi喎！
咁老公和肥阿哥就各自放Washbi係佢前面，佢就自己匙羹〝不〞，
仲要成支羹插晒落去，攪攪下佢又放入口好在肥仔叫住佢咋！
唔係就大鑊，事關果到份量都好多下架！
阿 B 你笑得咁好開心個樣特別靚仔, 記住笑多D呀.
回覆刪除我朋友都試過俾佢個姪女食辣椒仔, 因為佢姪女係都要試, 所以咪俾佢試囉, 哈...試完當然叫救命啦!! 果陣時佢個姪女都係得兩歲幾, 唔試下又點知佢辣呢, 哈...下次咪唔敢試囉.
[版主回覆03/23/2008 04:03:00]阿B一DD喇！試過Washbi後，比佢擰頭，但就自己〝不〞嚟食，好在肥仔喝停佢~冇有識死。