豆腐芝士凍餅(內附食譜)

明天回娘家吃阿媽的生日飯，所以今晚放工回家立即動工整蛋糕，呢個食譜係之前西點班的同學仔比我的，我將佢用的〝百福豆腐〞改左用〝山水豆腐〞。

豆腐芝士凍餅

 

材料：

麥維他餅 80克

溶牛油 40克

忌廉芝士 100克

砂糖 50克

山水豆腐 200克

鮮忌廉 130毫升

魚膠片 10克

水 50毫升

鮮奶 75克

 

做法：

1.  
用木棒壓碎麥維他餅，將牛油和餅碎混和，再用匙壓平在模內。

2.  
忌廉芝士、鮮忌廉、砂糖用打電器打至軟身。

3.  
分2次加入鮮奶，再加入豆腐。

4.  
將魚膠片浸軟，再加開水將魚膠拌勻。

5.  
魚膠水加入忌廉糊內一起拌勻。

6.  
倒進有餅碎的蛋糕模內放入雪櫃45分鐘。

7.  
取出餅後放上適量蜜桃作裝飾。(蜜桃片可以不加)

雪糕蛋糕

我係Yahoo見到團購教整〝雪糕蛋糕〞，所以問左幾個同事學唔學，之後再打去間野到問下資料。
班開7點，我地係趕唔到去，就問佢可唔可以開7點半，咁佢提意我找多啲人可以包班，於是我立即問下其他同事。
最後我地有10個人可以包一班喇！仲可以每人整唔同款添啵！
有個同事堅持要整〝橙〞，係生果果款丫！估唔到出來效果好好，個個都讚。

〝鋼盔豬〞是我的。



架車係紙來的。

咖哩牛肋條‧西洋菜陳腎湯

我煮左〝咖哩牛肋條〞和煲左〝西洋菜陳腎湯〞。

雞尾包(內附食譜)

今日去迪迪媽屋企一齊整麵包，今次我加左湯種，麵包好軟熟，徐左雞尾包之外，仲有墨西哥和餐包。
餐包只不過係冇餡，而墨西哥食譜就係呢到：〝墨西哥〞

雞尾包

食譜來自：專業麵包製作

雞尾餡：(約8-9個)

牛油   100克

麵粉     45克

奶粉     50克

砂糖   20克

椰絲   20克

做法：

1.  
將全部材料攪勻便成。

 

麵糰材料：(約8-9個)

高筋都粉   200克

砂糖   40克

奶粉   6克

吉士粉   6克

依士   3克

溫水   100克

牛油   20克

蛋   30克

做法：

1.  
磅好材料。

2.  
依士及溫水拌勻。

3.  
其他材料同放盆內。

4.  
加入依士水。

5.  
用手將所有材料攪勻。

6.  
將麵糰倒出放在桌上。

7.  
用手推開麵糰。

8.  
將麵糰對摺(令麵糰產生筋性)。

9.  
或用力敲摔麵糰。

10. 
再對摺至有筋性及不黏手。

11. 
測試麵糰：搓至麵糰表面光滑，用手拉開時成薄膜狀即大功告成。

12. 
或噴一層菜油。

13. 
將已搓滑的麵糰放入盆內。

14. 
蓋上保鮮紙漿廠以防表面乾硬)。

15. 
將整盆麵糰放入另一個注入30℃-40℃溫水的盆內，發酵約1小時。

16. 
發酵後的麵糰約成原來的2.5-3倍大。

17. 
手指測試法：把手指插入高筋粉中。

18. 
將手指慢慢插入已發大的麵糰中，然後取起手指。

19. 
若手指離開後麵糰仍留有手指形空隙，即表示第一次發酵完成。

20. 
將麵糰分割成8等份。

21. 
將每份麵糰輕輕拉長(摺兩摺)─第一摺。

22. 
第二摺。

23. 
分割8等份用保鮮紙包好麵糰，鬆弛10分鐘。

24. 
將麵糰輕輕拍長。

25. 
拿起麵糰一端上摺一下。

26. 
放上適量雞尾餡(約25克)。

27. 
用麵糰包實餡料。

28. 
將麵糰末端拉爛。

29. 
捲成欖形，收口向下。

30. 
並排放在已掃油的焗盆上，蓋上保鮮紙作最後發酵，約30分鐘。

31. 
發酵完成後，麵糰約成2-2.5倍大，掃上蛋液。

32. 
撒上白芝麻。

33. 
唧上兩行墨西哥油，放入預熱190度焗爐，約炤15-20分鐘。

藍莓意大利芝士蛋糕

這個蛋糕我係為10月生日既同事而整，而佢就係鍾意〝Snpooy〞，所以我膽粗粗，實現我諗住好耐而冇做既事，就係整朱古力牌。
雖然個牌不是太完美，但我都好滿意，而家我諗住下次整有顏色既。
之前整過〝士多啤梨意大利芝士蛋糕〞，雪櫃有藍莓醬，咁我就將士多啤梨改做藍莓。
食譜可以去呢到：〝士多啤梨意大利芝士蛋糕〞

維也納牛油曲奇(內附食譜)

我趁今日假期，整左新款曲奇，預備明天拎返公司送比同事。

維也納牛油曲奇

 

食譜來自：星級私房曲奇

 

材料：

無鹽牛油    110克

砂糖    50克

蛋黃    10克

雲呢拿香油    1/8茶匙

麵粉    130克

鹽    1/6茶匙

 

做法：

1.  
預熱焗爐至170度。

2.  
蛋黃和雲呢拿香油混合。

3.  
將牛油加鹽以電動打蛋器打發至微白。

4.  
分次加入糖以電動打蛋器打勻。

5.  
雲呢拿蛋液分兩次加入打勻。

6.  
麵粉分數次加，入並翰翰用膠刮拌勻。

7.  
將麵糰放進唧花袋，先將空氣擠出，才可在焗盤上擠花。

8.  
入爐以160度焗12-14分鐘即成。

 

貼士：

l   加入麵粉後，不要攪拌過度，否則會令擠出來的花紋不明顯。

黃金海岸@2012

我見今日係假期，所以約左肥仔一家去黃金海岸，等阿B可以玩下水。

個背囊係肥阿哥係韓國買架！

換左泳衣幾開心，但娣婦就麻麻地，因為同阿B換衫既時候，阿B突然嘔，攪到好麻煩。

好老積丫！

鮮奶蛋白撻(內附食譜)

今晚見好耐冇整野比老公食，而咁啱屋企有鮮奶，所以我跟蛋撻王出的書整〝鮮奶蛋白撻〞，老公都好滿意。
以下食譜係原食譜份量，但我已將以下的食譜份量減左，都整左7個，所以老公食左2日先食得晒。
其實，我仲整左新款曲奇，但老公話好難食，所以冇寫食譜。

鮮奶蛋白撻

 

食譜來自：一個蛋撻的誕生

 

牛油皮材料：

牛油 (室溫)     225克

低筋麵粉     340克

糖粉     60克

奶粉     30克

雞蛋     1隻

鹽     少許

鮮奶     少許

 

牛油皮做法：

1.  
麵粉、糖粉、奶粉及鹽同過篩。

2.  
中間挖一穴。

3.  
加入牛油、雞蛋及鮮奶。

4.  
先搓勻中間的材料，再慢慢撥入粉類混和並搓勻成麵糰。

5.  
將麵糰搓成長條，再分成30克小份。

6.  
麵糰逐一略按扁，放入8厘米圓形撻模內，沿撻模由底而上推按成厚薄均勻的撻皮，即可使用。

 

鮮奶蛋白材料：

蛋白(拂勻)   170克

砂糖     60克

鮮奶     140克

清水     60克

 

鮮奶蛋白做法：

1.  
預熱焗爐至230度。

2.  
砂糖及清水拌勻至砂糖溶解，加入鮮奶及蛋白拌勻。

3.  
將撻皮排放焗盤上，注入鮮奶蛋白漿至9成半滿。

4.  
放入已預熱焗爐，以230度焗18分鐘至金黃便可。

 

師傅教路：

l   麵糰先沾上少許麵粉才放入撻模，再灑上少許麵粉，才推按成撻皮，可防止撻皮黏手。

冰皮月餅‧焗奶黃月餅@I Love Cake

雖然我都整過傳統月餅和冰皮，但覺得都係麻麻地，今次見到〝I Love Cake〞有團購教整，所以約埋熊貓一齊去學，我覺得教得麻麻地。
焗奶黃月餅：個皮有食譜，但個餡就一早撈好，再分比我地，雖然個餡好味，但唔知點整。
冰皮月餅：個皮係預伴粉，而個餡又係一早撈好，所以又係唔知材料和份量。

我的作品

 

熊貓的作品

由於夜晚有飯焗，已放在保溫袋內，但都溶晒，呢個冇食掉左。

迪士尼2012

之前〝反斗奇兵大本營〞開我已經同老公暗示我想去，但老公一向都唔鍾意去迪士尼，所以佢冇彩我。
今年我生日，經我明示和暗示下，老公終於屈服喇！Yeah~Yeah~Yeah~
我一向都好鍾意去迪士尼，但估唔到今次去玩左半日已經玩完〝反斗奇兵大本營〞和〝灰熊山谷〞，簡直悶到嘔，好難先捱到夜晚走人。
今次來主要目的係去〝反斗奇兵大本營〞，可惜時落雨時出太陽，好鬼麻煩。
我〝灰熊山谷〞玩過山車，係可能係平日，所以我兩公婆包一架車，仲要坐車頭。
我同老公講我唔會再嚟！徐非有新野吸引我喇！

香煎焗豬頸肉配泰式汁(內附食譜)

之前食減肥餐時整過〝焗煎豬頸肉〞，明天公司同事為我開生日會，每人整一樣野，我除左整〝黑芝麻芝士蛋糕〞之外，仲整左豬碰肉，我網上搵到個汁，但忘記左係邊到搵到。

食譜可以去呢到：〝焗煎豬頸肉〞

汁料：

蒜蓉    2茶匙

魚露    約3湯匙

檸檬汁    約1個

糖    3-4茶匙

指天椒(切粒)     1-2隻
芫茜    適量

做法：

1.   將所有材料撈勻，便成。

黑芝麻芝士蛋糕(內附食譜)

明天回公司開我的生日會，所以我自備蛋糕。
我見書係用2.5吋模，而我就整6吋，所以自己計算一下變做6吋份量，唔知係咪計錯，出來的份量可以做到2個。
我諗用原本的份量應該可以做到一個6吋，大家可以試下，呢個蛋糕味道唔錯架！

黑芝麻芝士蛋糕

 

食譜來自：精緻慕斯蛋糕

 

材料：2.5吋圓形模具5個

Oreo朱古力味餅碎     60克

無鹽牛油   30克

 

黑芝麻芝士餡：

忌廉芝士   180克

糖   80克

黑芝麻醬   75克

淡忌廉   375克

魚膠片   15克

 

餅底做法：

1.  
把Oreo朱古力味餅碎和已洽牛油拌勻，然後壓在餅圈內鋪平備用。

 

黑芝麻芝士餡做法：

1.  
先把淡忌廉用打蛋器打起至軟雪糕狀備用。

2.  
把忌廉芝士和糖用打蛋器打至滑身。放入黑芝麻醬拌勻。

3.  
加入已浸軟及融化的魚膠片快速攪勻，再加入已打起的淡忌廉拌勻。

 

組合及裝飾：

1.  
把8成黑芝麻芝士餡倒入已有餅底的餅模內鋪平，冷凍。

2.  
脫模後，把剩餘的黑芝麻芝士餡唧在面上作裝飾。

3.  
蛋糕邊用朱古力圍邊，面放紅紅桑子和薄荷葉。

 

貼士：

l   黑芝麻醬可於大型超級市場或日式百貨店內有售。

公司40週年

公司40週年籌款做善事，之前我同同事合作，我整迷你老婆餅和藍莓芝士蛋糕，而佢地就沖咖啡。
今次整鳳梨酥係應另一同事邀請，佢整特飲，我2次都不扣成本，所有賺到既錢都捐出去的。

Mango Cheese Cake 鏡面夾心芒果芝士蛋糕(內附食譜)

明天去同屋住家聚會，所以我又整蛋糕，上網見到〝師頭媽~芒果啫喱夾心芝士凍餅〞好靚，我又試下先。
今次呢個有點複雜、多工序，我可能唔會再整，不過，個個都話好吃，複雜都值得既。



Mango Cheese Cake 鏡面夾心芒果芝士蛋糕

雪芳蛋糕材料：(6吋圓模)

蛋黃     2個

蛋白     2個

細砂糖     30克

菜油     13-15克

水     13-15克

細砂糖     20克

低筋粉     40克

 

雪芳蛋糕做法：

1.  分開蛋白和蛋黃。

2.   蛋黃的盆子內，加入20克糖、水、油。

3.   蛋黃、糖、水、油混合。
4.   蛋白加30克糖，打至企身。(濕性發泡便可，太硬會好難與蛋黃糊混合)
5.   用反摺法，把蛋白加入到蛋黃糊中，拌勻至完全混合，小心消泡，手要快而輕。
6.   慢慢篩入麵粉。
7.   倒入模具，dun一下。
8.   入爐，160-175度，焗35-40分鐘。
9.   出爐後馬上倒扣，完全冷卻後才可脫模。

芒果啫哩夾心材料：

芒果啫哩粉     30克

魚膠粉     2/3茶匙

熱水     90克

芒果肉切粒     1/2個

芒果啫哩夾心做法：

1. 在一個4吋的圓形模內鋪保鮮紙，放入芒果粒。

2.   預備一隻碗，將芒果啫哩粉、魚膠粉、熱水放在碗內攪至溶化。

3.   倒入放了芒果粒的模內，稍涼後放雪櫃內凝固備用。

 

芒果芝士餡材料：

忌廉芝士     140克

砂糖     38克

淡忌廉     130克

芒果茸     60克

魚膠片     2片

水     30克

 

芒果芝士餡做法：

1.  淡忌廉7分打發備用。

2.   忌廉芝士加糖打滑至糖溶解，加入芒果茸拌勻。

3.   魚膠片加熱水溶解，加進芝士餡內拌勻，再加入已打起的淡忌廉攪勻備用。

 

鏡面裝飾材料：

芒果啫哩粉     25克

魚膠粉1/2茶匙

熱水     75克

芒果片     適量

 

蛋糕組合：

1.  將已放涼的蛋糕切片，修剪成大約直徑5吋，然後放入6吋蛋糕模。

2.   鋪上芒果粒，倒入一半芒果芝士餡，再將已凝固了的芒果啫哩夾心放在中間。
3.   將餘下的芒果忌廉芝士餡倒入，用力轉一轉模令芒果芝士餡表面變得平滑，放雪櫃至凝結。
4.   芒果啫哩粉、魚膠粉、熱水放在碗內攪至溶化，待涼。
5.   取出已凝結的芝士蛋糕，先小心放上芒果片花作裝飾，再倒上已放涼的芒果啫哩水在已凝固的蛋糕上，再放雪櫃至凝固便可。