我好想快D到夜晚，因為我地今晚就北上喇！可以去玩吖嘛！
今朝7點半叫左老公起身就訓唔返，所以都跟隨起身，唔知係咪興奮心情影呢！之後又等高達叔叔來繼續砌模型，然後再等埋老公與熊貓姐姐放工回來一齊北上，不過，我地北上緊係唔只咁少人喇！仲有同屋住、同屋住老婆、高佬叔叔和高佬叔叔女朋友。
我與高達叔叔吃完Brunch就回去，佢砌模型，而我就開始整〝芝士波波〞，焗既時候好香芝士味，所以我對佢期望都幾大架！雖然，外表不是太好，但好香。點知一咬落去就‧‧‧。
芝士波波好鹹，而內裡就好鬆散一D都唔煙靭，與街的是2回事，星期六〝燙傷脷@邊爐〞的比它好得多。高達叔叔叫我一陣比熊貓姐姐試下，問下多D人既意見。
熊貓姐姐都覺得好鹹，不過，尋日隻〝蜜糖鬆餅 Honey Biscuit〞佢就話好食。好喇！齊人喇！整埋少少野我地要出發北上喇！
今日朝高達叔叔去買完模型就來我地家砌，不過，間舖又係開得好晏，佢過到嚟都已經2點幾，再埋野整少少野，回到家都已經約4點。
尋晚老公發現廚房手洗盆個渠位漏水，之前老公都整過一次，今次佢整唔到，所以順便叫高達叔叔睇下，因為條渠老化有D整出嚟就爛，所以老公和高達叔叔就落左街買零件，而家唔漏水喇！
晏晝我又跟〝為食貓~焗鬆餅〞比老公食，佢嫌冇蜜糖又唔夠甜，但我地都覺得OK架喇！
我問左佢地好多次晚餐食乜？大家都冇意見，但我又唔想食茶餐廳，所以就提意食買〝元氣〞外賣，但老公又話唔食，高達叔叔冇意見，咁即係食咩呢？
擾攘左一輪，最後都係買〝元氣〞外賣。
我地等外賣時又去左另一間買剌身吃，高達叔叔仲買左支〝清酒〞飲添！老公問人拎左D冰，返到去用我個量杯〝冰鎮清酒〞，嗯~又幾醒喎！
尋日老公話我整既〝焗鬆餅〞冇之前〝焗鬆餅~怒、喜慶祝〝拍拖9週年紀念日〞〞咁好食，所以今日我再搵過一個新食譜，再整比佢食。
老公問〝點解表面冇蜜糖既？〞，呢個已加入蜜糖整，所以冇加，仲有又話唔夠甜，衰佬食親曲奇、蛋糕呢類野都要食好甜，我與高達叔叔都覺得夠甜。
我冇食仲有一隻剩，夜D我要再加蜜糖焗返比佢食。
蜜糖鬆餅 Honey Biscuit
材料︰
自發粉 225克
發粉 1茶匙
鹽 適量
砂糖 10克
楓糖漿 40克
牛油(室溫) 80克
鮮奶 80毫升
雲呢拿香油 (可加/可不加)
做法：
1. 自發粉，發粉和鹽混合篩勻(備用)。
2. 砂糖和楓糖漿混合加入小粒狀牛油，再加入(製作1) 。
3. 用搓成大粒餅碎狀 ， 最後加入鮮奶拌成麵團。
4. 放入雪櫃下層鬆弛10分鍾後，用匙更最麵團做型。
5. 用220度焗10-15分鐘上色即可。
貼士：
1. 甜度以密糖種類可自由調整。
28 June 2008
平時我只吃炸生蠔，但今晚〝Benz哥哥〞與他的女朋友係〝百佳〞買來的生蠔用來打邊爐味道唔錯。可惜就係因為佢我就咁燙傷左條脷，條脷有少少痛和腫，之後都冇乜心機食野，好快就停手。
今日約左去肥阿哥家玩，而且佢都有朋友來，不過，差不多傍晚時份才到。早上我諗住整〝焗鬆餅〞，但係只用少少鮮奶，所以我想多樣，最後我簡左試整〝芝士波波〞。
〝芝士波波〞~焗既時間見個表面冇乜起色，所以焗耐D，出來效果個表面好硬，吃過既人都話硬，老公仲話味道鹹，但我與阿嫂都唔覺得鹹，並且都應為係焗得耐左既問題，因為中間個心係似街外既，但我既得個組織唔夠街外鬆。
〝焗鬆餅〞~娣婦一吃就話好味，雖然，老公都話好味，不過，不及上次
〝焗鬆餅〞好味，今次實左D，但係肥阿哥就不喜歡這個〝焗鬆餅〞。
打邊爐時燙傷左條脷後，就唔想食野，所以我好快就肚餓。回到家我與老公都覺肚餓，老公煮左個麵吃，但我堅持唔食野，因為今日又吃左薯片和飲左少少汽水已經好heavy，我怕肥返，所以唔食宵夜。
阿B~伯伯擺咩係你背脊丫？你估下~
哦~原來係〝巴斯光年〞，但係〝巴斯〞扯住佢條頸唔多舒服，阿B想整甩佢。
今日娣婦諗住同阿B游水，但係咁既天氣游唔到，唯有寄望明天喇！
明天肥阿哥有2個朋友都帶佢地囝囝一齊嚟游水，
而且好似仲有其他朋友一齊游添！到時實好熱鬧啫！
伯伯比我整既〝芝士波〞阿B食，可能佢聽到佢地話唔好食，衰仔耍手兼擰頭，
但阿嫂係A-1買左〝芝士波〞阿B知係好野就食。
唔知佢做咩突然好開心喎！
娣婦果日去〝沙田~玩具反斗城〞除左買左泥頭車外，仲有買左個沙灘波比阿B。
肥阿哥個朋友買左布甸比阿B食，佢都唔捨得放手。
食完晚餐，我坐係梳化到突然聞到阿B有臭臭味，
娣婦一睇真係痾左，於是立即去洗〝Pat Pat〞勒！
你睇佢幾舒服，趴係洗手盤內有專人幫佢洗，不過，再大D就唔得架喇！
今日我去過好多Blog睇過，睇下Blogger有咩地方好介紹，
我已綜合好一切資料，亦都print左for reference。
我已為〝7‧1北上〞作好一切經準備，全部資料都係一式2份，
若然齊人就要分2架〝的士〞，所以一式2份就剛剛好。
晏晝趁阿B訓左就有時間可以去〝廚安居〞個網址逛下勒！
雖然，佢個網唔係有好多野睇，但係有〝烘焙設備〞
上次我買左個焗盤諗住焗瑞士蛋糕，但係買錯size，
今次北上我預備買番個，所以夜晚回到去老公家我就度過焗爐個尺寸。
我好期待下星期一晚來臨，因為我地係星期一夜就北上喇！
而家樣樣都諗得好完美
今日晏晝我等阿B訓左就開始整理一下〝7‧1北上〞資料，我將要去既地方print左地圖和地址出嚟 for reference。不過，我冇搵到夜晚吃乜，因為有朋友間中都會北上，若然佢去佢會帶我地去食野。
我今晚煮左3款餸：炒菜心、甜豆欖菜炒豬菇粒、生炒骨，但生炒骨個汁我係買〝李錦記~酸甜汁〞，我一直都好想自己教個汁，但係一直都唔敢，因為怕失敗囉！仲有尋晚既豆角叉燒煎蛋。
我已經搵左好多地方都搵唔到呢個〝白鵝牌~酥甜辣椒菜〞，每次吃粥都想食，但又買唔到，我與老公都覺得好似差咁D野咁！
今朝見到屋企有就記起樓下士多應該有得賣，所以晏晝我落去昅下，唉~真係有，我想買多D，但我地又唔係成日食粥，我就買左2罐。
尋日傍晚時份已收到消息今早應該會掛〝8號〞，但夜晚已經掛〝8號〞風球喇！老公話明天都落喇！我問老公〝你幾多點落就唔駛返丫？〞，老公話冇架喎！一落就要返，都唔知咩公司嚟架！話就話係日本人公司，所有福利都唔似日本人公司，反而做野就似層壓式，按本字辦事，永遠一成不變。
今朝7點起身開收音機聽仍然係〝8號〞，我就再訓過，但係咁既天氣我既肩頸又點會唔痛丫！我典左好耐先訓得返，不過就每一個鐘醒一次囉！終於訓到9點幾就起身，然後開電視繼續留意颱風動向，我見咁早就開始整〝圈圈餅乾〞。
我一直睇住電視留意天氣由紅雨轉黃雨，電視話中午前會轉掛〝3號〞，係11點就轉左〝3號〞喇！我叫老公起身預備返工，佢例牌訓多陣先起身，我未焗完〝圈圈餅乾〞就去食晏先，回來再焗，係老公梳洗期間發生左D野。
跟官咁耐都知官姓乜，我見佢梳洗，心知佢冇諗過一陣同我食野，但我係都要問下〝你一陣食咩丫？〞，佢話買野返公司食，我聽到就好嬲，頭先你未起身我肚餓食左包餅，我諗住得埋你先一齊食野，但你而家咁講即係冇諗過陪我食野喇！我知你趕住返工，不過，都可以一齊食完先返工掛！我扭左一陣就去食野勒！女人係要氹架嘛！嘻~嘻~
食完野諗住陪老公等車返工，但頭先等食等左好耐，所以老公轉搭港鐵再轉小巴，我送左老公去搭港鐵就自己去〝百佳〞買雞又蛋，順便逛下，行行下就打比老公〝我幫你買報紙好唔好？〞，老公話〝好〞，因為老公返工前買報紙，只係有食早餐時有時間睇，之後就要返到屋企先可以再睇，我唔想佢又要孭多份報紙。
我係街上見到有好多人趕返工，就覺得自己好幸福好似〝少奶奶〞，我可以慢慢行，又去買下野唔駛趕返工，但係呢D日字要付出代價架！
我係〝百佳〞見到呢隻牛油仍然減緊價，仲係$12.9，雖然屋企仲有2舊，咁平都掃多一舊先。然後，我又見到雞蛋20隻都係$12.9，咁抵就算用唔晒都可以拎返屋企實用得晒喇！
返到去就焗埋D〝圈圈餅乾〞，跟住又整多個〝海綿蛋糕〞，這個〝海綿蛋糕〞係我之前提供比〝Blog友仔〞，但係自己未整過，所以整下。
頭先有2個蛋白剩，我又見時間尚早，所以又再整〝蛋白蛋糕〞。
晚餐又諗唔到食乜？都係煮又快又簡單既〝瑤柱粥〞，老公又買左〝吉吉〞和我最鍾意既雞腳。
今日我繼〝圈圈餅乾〞後，又一新作〝海綿蛋糕〞。蛋糕焗緊或焗好都散發出濃濃蛋味~真係好香，個蛋糕用料和做法都好簡單，不過，仲未有人試食，等試食完再寫意見喇！
各人試食後意見：
老公：OK，唔夠甜和實。
我：夠甜，少實。
阿婆：好味，又好香蛋味，又鬆。
海綿蛋糕~Sponge Cake
食譜來自：精巧甜品 DIY2
材料：(8吋蛋糕底或6吋蛋糕)
糖 75克
麵粉 75克
蛋 4隻
牛油 5克
做法：
1) 牛油隔熱水座融。
2) 蛋、糖以打蛋機打發成奶白色忌廉狀。
3) 輕輕拌入已篩麵粉。
4) 輕輕拌入牛油。
5) 麵糊倒入餅模圈內。
6) 以200度焗約22分鐘，待涼，脫模。
我要多謝〝風神〞，因為佢令我可以整想整好耐既〝圈圈餅乾〞，我除左整左圓形外，仲整左心形添啵！呢款野應該係有果仁之類既東西，但我唔想買，而且我又唔係好鍾意吃，所以整左個齋餅乾。
老公試食左話唔夠甜和脆，我聽到評語咁樣就唔多相信，所以我自己都試食下勒！我咬落去係唔係好脆，但係就好〝鬆化〞，唔可以太大力整D餅唔係就會爛，而甜方面我覺得夠甜。
各人試食後意見：
老公：唔夠甜，又唔脆。
阿B：吃完再吃。
娣婦：好食，夠甜。
阿婆：好味。
阿媽：除〝蛋白蛋糕〞外，呢個就係最好食，好食過上次既〝合桃酥~迷你版〞
圈圈餅乾
食譜來自：西點學習大百科
材料：(約25個份，1個份99kcal)
無鹽奶油 120克
糖霜 60克
鹽 1撮
蛋黃 中型2個
低筋麵粉 180克
腰果 約25粒 (我無加)
核桃 約25粒 (我無加)
開心果 約25粒 (我無加)
無籽葡萄乾 約75粒 (我無加)
黏著用的蛋白 少許※ (我無加)
※ 剩餘的蛋，裝入密閉容器裡在冷凍庫可保存1個月左右。
前事準備：
l 蛋是將蛋黃和蛋白分開，放置在室溫。蛋白是作為堅果等的接著用。
l 烤箱加熱到100℃，將腰果、核桃、開心果、無籽葡萄乾敝開在烤盤上，放入烤箱烘烤約15分鐘後，冷卻。
做法：
1. 容器裡放入奶油，用打蛋器或手提電動攪拌器以含入空氣的方式搓揉混合，成為絨毛狀。糖霜分3-4次加，每次加入就以含入空氣的方式攪拌混合。
※ 在容器底下鋪擰乾的布巾，比較能固定容器。
2. 加鹽再混合。使用打蛋器時，將客器橫向立著一手壓在上面，用打蛋器在容器整體上如晝圓般，以充分含入空氣的方式用力攪拌混合。
3. 含入空絛的奶油汎白，變細膩後，再用力搓揉混合使其更膨鬆。
※ 在此苦未含有充分的空氣，材料就會變硬，之後就不容易擠出，因此請務必好好混合。
4. 蛋黃1個1個加，每次加入就攪拌混合，使材料變得膨鬆。
5. 加1/3量的低筋麵粉，迅速混合到看不到白粉為止。加剩餘的粉，改用木匙，一手邊將容器向面前的旋轉，邊用木匙如縱向切入般混合到看不到白粉。
6. 在擠花袋上裝星形擠花嘴，將袋尖輕輕扭入唧花嘴的內側。袋口向外側翻面敝開，用橡皮刮刀舀入材料。
7. 封閉袋口後拿著，在烤盤1上以2-3cm的間隔將材料擠出直徑6-7cm的圈圈狀。
※ 此時，並非讓唧花嘴靠近烤盤慢慢擠出的，而是和烤盤稍有距離，從斜上方像自然掉落般擠出，即可成為柔和的線條。
8. 在大堅果的一面上沾蛋易，輕輕壓在材料的接縫處，使接縫不致於太醒目。剩下的堅果或乾燥水果也沾蛋白，均勻裝飾在材料上，放入180℃的烤箱烤約10分鐘。邊緣略微上色，就烘烤完成。放在冷卻架上冷卻。
※ 一次烤不完時，就分2次。後來才烤的材料，就放在擠花袋裡。
晏晝阿公炒飯，炒得靚唔靚呢？
前幾日與熊貓姐姐通電講除上次〝懷舊通宵唱K之夜@Green Box〞外都冇聚會，我想去下佢家整下包、餅，平時得老公一個人吃，D野過左氣先拎到回家有人吃，所以我就有咁既想法。
講講下熊貓姐姐又話不如去按摩，秉承前2年既習慣，因為我地連續2年7月1日都北上去按摩~吃、喝、玩、樂，所以佢想今年都係咁，我諗未來幾年都會係咁架喇！都好去鬆下、玩下、開心下，可惜老公未知要唔要返工。
我同老公講想去〝東門~廚安居〞，之前睇好多Blogger講D野好平，我都想去睇下，老公話內地同事話本地人都唔敢去〝東門〞果邊，因為十個人有6、7人係抓手、刧匪。我同熊貓姐姐講佢都想去，佢叫我同老公講唔怕，坐的士去到門口咪得囉！
星期日，高達叔叔來我地家砌模型時，佢講〝7‧1〞北上睇波，因為佢喜愛的〝德國〞未出局吖嘛！我問〝熊貓姐姐有打比你咩？〞，佢話冇，咁我就話左佢知我地既計劃，佢當然讚誠喇！
尋日老公同我講可能唔駛返工，於是我就通知熊貓姐姐，咁我地又傾下搵埋其他人去，然後分配好老公與熊貓姐姐分別聯絡其他人，我地又講如果得我、佢、老公、高達叔叔4個人咁點呢？基本上每次活動都我地4個係膽睇下拖邊幾個架啫！我怕會唔會危險D呢？熊貓姐姐又唔怕，因為佢間中都要與男朋友阿媽返廣州，咁又係又有咩好怕呢？不過，我怕老公好似上次咁〝回歸~深圳之旅 (上集：1-7-2007)〞被乞丐幫小朋友攬住隻腳唔走得，差D朋甩褲添丫！
熊貓姐姐與開心果姐姐通話，但開心果姐姐家中有事，我聽到後都覺得痛，希望快D無事喇！老公就與高佬叔叔和同屋住聯絡過，高佬叔叔若然〝7‧1〞唔駛洗工就與女朋友與我地一齊去，佢要星期六先知，而同屋住就要遲D覆，因為佢要搵人湊2個女。
上年北上大家都唔熟路，所以我一早已經上網搵晒資料，安排好晒去邊到，雖然，我花多好多時間去做資料搜集，不過，緊係到時就唔係依我安排而行喇！有D仲取消左添！但係大家都玩得好開心，最緊要都係咁啫！
今日我攞回上年既資料和上網睇過下地圖，我都唔打算有咩安排一切順其自然，最重要睇下大概位置係邊咪得囉！
尋日娣婦夜晚約左人去沙田食飯，
所以去左〝玩具反斗城〞買左個沙灘波和呢架泥頭車等可以去游水時玩。
晏晝肥仔來電通知我今日5點半要帶埋阿B一齊去阿B將入讀既學校參觀，
阿B今年8月1日就返學喇！學校有好多小朋友都未放學，
我地邊睇都見到小朋友陸陸續續被接走。
之後去左買tea食，阿B食完娣婦既〝芝士吞拿魚飛碟〞後，
又吃我〝咖哩牛肉芝士〞，衰仔唔怕辣架喎！佢照食。
老公放公經過街邊有〝鱷魚仔〞、〝史迪仔〞賣，只售二十蚊就問我買唔買？
之前睇要70蚊就緊係唔買喇！而家咁平緊係買，但我叫佢買〝史迪仔〞，
買完之後再來電話〝史迪仔〞要30蚊，但個個都係買〝史迪仔〞。
初初阿B可能都未知與鱷魚一樣，之後知道掂都唔掂佢丫！好嘢~有大剋星。
今日食完減肥餐後，第一次出動，我約左熊貓姐姐食lunch，之後去〝橘子烘焙〞買野，然後去換衫，因為尋日買果件衫有D問題，左邊領至手袖與右邊領至手袖係唔對稱相差半吋有多，而且前領位的裡車得唔好會露出來。
今日阿B全程都係要抱，真係抱到我手都攰，又要拎住話輕又唔輕既烘焙用品，攪到個人又好〝呢 hea〞，流汗都幾乎冇手抺。
我帶埋阿B12點鐘就出門口，點知屋企附近爆水管架巴士要兜路，然後又遇上塞車，好在早出門口咋！唔係就‧‧‧
我地去到目的地，並已睇左吃咩！我搵到位就通知熊貓姐姐係邊和吃咩，我帶住阿B要熊貓姐姐幫我買。晏晝搵位時，咁〝arm〞平時坐開個位有人走，所以一講熊貓姐姐就知我坐邊，我每次都好彩可以坐翻同一個位到。
平時食開既〝鮮茄牛肉煎蛋飯〞今日冇，我就叫左〝粟米肉飯〞，汁仲多過飯。
尋日我買唔到糖霜，今日我就去左〝橘子烘焙〞到買，我成日都想整愛吃既〝龍鬚糖〞和〝鳥結糖〞，所以我買粟膠，平時食譜通常都係見人用魚膠粉又順手買埋。
嘩！今日換衫真係過得好漫長，我食完飯坐港鐵去換衫，我地企係月台等車，有車嚟阿B就喊喇！之後約2點就到目的地，舖內有人但執緊衫。
半個鐘後再行去都係執緊，行到我都好攰，我就帶左阿B去公園玩，我一個人帶佢去都好怕有意外，你知喇拎住咁多野又要睇住阿B好難兼顧架嘛！不過，都冇事發生，仲玩得好開心添！玩左半個鐘再行返去。
離遠見到都仲係執緊，我都硬住頭皮敲門問幾點開，回答3點半，哎~仲要捱多半個鐘。正當我想打比老公時，老公就來電勒！我匯報現時情況和一陣可能要買多件衫，原因係通常換衫都係要3、4點打後，因為未開單，而第一單生意就換貨對人來講係〝唔老嚟〞呢D係行規，老公聽到後話〝咁下次唔好去果到買〞，真係比佢激死。
我冇預到咁晏都未返屋企，阿B想食奶，原本我帶左餐奶比阿B，不過唔想拎咁多野，所以都係放低左。靈機一觸，阿媽話我歲幾已戒左奶，我飲〝維他奶〞做代替品，所以我即係買左包〝維他奶〞比阿B飲。
終於開左門喇！我一入到去表明立場想換衫，不過，我都有問幾點可以換。
售貨員：6點先可以換。
我：若果我而家買一件衫，咁可唔可以換？(我真係等唔到咁耐)
售貨員：特價冇得換。
我：我唔知係咪，不過，尋日掛係收銀後面，但係件衫‧‧‧。(我講埋件衫有咩問題)
售貨員：係~特價，只可換衫，不可以換款。
我目的都係想換衫啫！之後我就努力睇衫，我睇時阿B又睇，但只係簡到尋日睇中左既另一件，跟住就即刻回家。
