糖醋五花腩 (內附食譜)

這款餸我係跟烹飪書煮過一次，但係阿媽話唔好食，第二日我就原碟再用其他調味和做法煮過，阿媽就話好味，但我忘記再點煮，其實，原食譜係〝糖醋排骨〞。

今日我再接再勵，煮既時候我試味，我諗大家都不太接受這種味，所以我就自行再加多D調味料，出來味道唔錯，不過，娣婦話係靭D啫。

糖醋五花腩

材料：

豬腩肉                  1/2斤

生薑                      2片

蔥段                      2條

八角                      1粒

乾蔥蓉                  1茶匙

調味料：

鎮江醋                  2湯匙

糖                          1湯匙

鹽                          1/4茶匙

茄汁                      2茶匙

蠔油                      2湯匙

糖                          2湯匙

水                          3湯匙

麻油                      少許

做法：

1.          豬腩肉洗淨，待用。

2.          將薑片、蔥段及八角煲滾，加入豬腩肉，用文火將豬腩肉煲至水滾，撈起瀝乾水份。

3.          將豬腩肉撲上少許乾粉，放入鑊中略爆，盛起備用。

4.          燒熱油一湯匙，爆香乾蔥蓉，注入調味料，煮勻，再將已爆的豬腩肉下鑊，用文火煮至汁液差不多收乾，即可上碟，熱食。