燃燒指數：+0.6磅 燃燒總數：3.6磅
燒脂指數：+0.6% 燒脂總數：0.1%
今日磅數依然上升，但就冇尋日升得咁多，不過，脂肪比率又跟隨上升，經濟係咁就好喇！
原本雄心壯志的我攪到都down晒！我都有諗過放棄，但都試左一半喀就到完成止喇！我諗左好多原因去解釋點解磅數上升，其中一個諗既原因係可能就到週期性不適，我緊係希望係呢個原因喇！因為荷爾蒙會改變，而身體亦隨之而水腫，磅數都會增加。
我每朝都有報告比老公知我既成績，不過，佢從來都冇乜反應，未減之前就想我瘦，而家減又從來都冇鼓勵過我，我都知男人係咁架勒！我都係乘機發洩一下啫！
今日3餐都係同之前差唔多，晚餐諗住加多碟西蘭花，不過發現有2條蟲，所以送左比垃圾桶，因為我好怕呢D野！肥仔話〝咁咪新鮮囉！〞，我都買左雞脾諗住整卥水雞脾。
早餐：西柚半個、烚蛋2隻、烚煙肉2塊
午餐：西柚半個、洋蔥肥牛、吞拿魚蛋沙律
晚餐：西柚半個、洋蔥肥牛、椒鹽雞軟骨
我諗可能都係過度期, 繼續食啦, 唔好放棄呀, 加油, 加油!!!
回覆刪除[版主回覆06/17/2008 12:56:00]嗚~嗚~嗚 ，個衰老一D表示都冇 ，我一個人孤身作戰，你話幾慘丫，多謝你支持我！
哈哈~原來大番薯呷乾醋~~好得意呀大番薯
回覆刪除哈哈
男人......係D默默支持你ge人泥架
你就睇在佢係你老公仔同佢係男人~就原諒佢啦
哈哈
[版主回覆06/18/2008 23:44:00]男人就係咁成日將D野放係心裡面，所以有時我會引導佢講出嚟！
之前出現隻大B
回覆刪除e+又出現左隻大番薯呀
哈哈~
不過都幾好！有情趣呀.......哈
[版主回覆06/21/2008 12:35:00]但係我怕呢 ！嚇死我~