川流不息

今朝執執下阿B既玩具諗~阿B剛病好又轉季覺得係時候抺一抺，咁一定要用〝滴露〞抺先算清潔喇！

之前應承左阿B整啫喱比佢食，今日阿B提我整比佢，一盒整左3杯。

我抺好玩具、整好啫喱又摺好阿B既衫就食左粒〝長效〞，跟住自己按摩完就搽〝冬青膏〞，食完飯整左少少野見阿B訓左就同佢一齊訓。

我訓左半個鐘都冇佢就醒喇！佢間中拍下我、踢下我又叫下咁，我等到佢自己起身我先起身，因為好攰和痛。

傍晚時份阿B眼訓我又想抖一抖就與他睡在地墊上，又係我訓左佢都未訓。佢曳到不得了，走去玩完又走過嚟坐下我、拍下我、撥亂我D頭髮、坐係我身上〝櫈〞，跟住又走去玩〝川流不息〞咁！

老公6點幾來電佢聽到我把聲就問〝你係咪唔舒服？〞，吖！老公醒左會問下我，我訓係張墊上傾左一陣，阿B好乖我傾咁耐佢就訓係我隔2個身位睇電視冇行開過。之後我就同阿B講〝姑姑媽煮餸喇！你乖喇！〞，衰仔係到笑。

今晚老公與班同事食飯、肥仔〝OT〞、娣婦剪髮，所以7點到就開飯。阿B食飯時攪事，放佢落地又要黏住我唯有抱住佢食飯，所以我求其食埋碗飯就算，我見娣婦回來咁我就食埋個芒果就回去。

我回到老公家後打回家問下阿B喊左幾耐，因我走既時候阿B喊，娣婦話喊2、3分鐘，仲帶娣婦係門口企左一陣。