哼！老公你好野~

今晚〝事必關已〞其中一節係講關於〝松鼠〞，每次買這廣告時我都會講〝阿蘇〞都講過喇！

節目到左〝松鼠〞既環節喇！我又講那番話，老公即時話：「唔係個個有〝有線〞架嘛！」，其實，我咁講係而家資訊咁發達，雖然唔係個個有〝有線〞，但可以從好多途徑知道或睇到架嘛！不過，我都同意老公既講法。

阿婆今早已話今晚冇餸，但我又唔知煮咩好？嗯~都係整卥水雞翼喇！但阿婆話尋日阿媽整左，我諗應該係用我上次的汁，不過，唔緊要這次味道與上次是不同的。

阿媽放工回來話係我上次既汁內加左豉油，肥仔話我上次煮的得個甜字，咁〝瑞士雞翼〞係甜架喎！我已經煮得輕手左，阿媽話佢係我上次既汁內加左豉油。

原本想舖這食譜，但今次效果不太受歡迎係我意料之外的事，因為上次去BBQ我醃乳燒都係用這材料，醃既時候好香~真係像街外的卥水汁味一樣，但估唔到會咁。

肥仔見到就話好似〝燒臘店〞的卥水雞翼，佢話今次不是太好吃，但汁就好似〝叉燒飯〞的汁，所以添左飯，而老公都不太歡喜這種味，因為我用了一粒八角，反而娣婦覺得不夠花椒八角味，哦！潮州人常用香料，娣婦阿媽煮的汁比較稠，而且花椒八角味濃好好味。

肥仔話冇講到上次既汁甜，所以我就將汁倒去放回上次的汁內。

〝蒸蛋〞表面睇好簡單，但有好多高手都話係難度高的餸，而阿婆最拿手小菜係〝瑤柱蒸蛋〞，阿婆蒸蛋又白又滑，咁近城皇廟我當然有求籤喇！我做到又白又滑，但滑既程度冇阿婆咁滑，阿婆蒸蛋係滑不留口架！太耐冇整我都忘了點整，下次整又要問再問阿婆喇！