近日我比之前暴漲左好多，今個月頭去肥阿哥家玩〝Wii〞時磅過都肥左，我諗到而家都肥左十幾磅就實走唔甩。
今朝拎〝芝士包〞、〝雞批〞比肥阿哥&阿嫂時，居然個看更唔認得我問我拎〝住戶証〞睇！佢仲話太多人新搬嚟！唔認得，我心諗唔係掛〝唔認得？〞，唔通我真係肥到認唔出係我。阿嫂話隻〝雞批〞好吃，肥阿哥我未問，娣婦都話好吃，而餡仲好香添，肥仔都話香。
剛才收到個消息遲D要去飲宴，弊！肥左咁多邊有衫著呢？老公話求其咪得囉！我都係著牛仔褲咋嘛！我從小到大都未試過著牛仔褲去飲，更何況男同女都唔同。最衰老公冇問到幾時去飲，我都唔知有幾多時間比我去努力添架！但其實我可能都係得個講字，未必可以〝的起心肝〞去減，如果真係減到老公就最開心，老公就算減到都唔可以好似以前咁，唔好期望咁大喎！而〝四大長老〞就最唔開心，老公家喜歡人肥架嘛！
我要諗定到時減唔到、減到著咩衫先，以前返工我都係諗定一個星期既返工衫，一知道有function又會諗定著咩衫架喇！因為我貪靚吖嘛！
今日左邊身和頭〝陰陰〞痛諗住用下條腰帶和早D訓，但頭先有朋友來電〝三人會義〞傾左好耐，條腰帶要明天先用，所以而家寫完Blog就要訓喇！
osim呢舊野係咪真係減到肥架,我都係減肥進行中.........
回覆刪除[版主回覆04/22/2008 07:44:00]之前有報告講過係冇效，不過，我話比老公聽肥左，佢就叫我震下，大家一齊努力~奸爸嗲！
我都有，不過我覺得無功效
回覆刪除[版主回覆04/22/2008 07:45:00]應該冇效，但心理上好D咁喇！
做運動唔難, 但係要日日做有恒心就超難, 俾個網你, 等你得閒睇住黎做, 哈...敢做一定瘦到.
回覆刪除http://hk.youtube.com/watch?v=8l-OE7B1NCE&feature=related
呢款就o岩阿b做.
http://hk.youtube.com/watch?v=gl8k6UICpLI&feature=related
[版主回覆04/22/2008 07:50:00]真係要好有恆心，我見佢開頭個動作好似耍〝六通拳〞，之後見佢動作好攪笑，我同老公講左叫佢唔好笑我架喇！佢話唔會，希望今晚可以〝的起心肝〞做喇！