入神

今日房署嚟屋企維修，所以我就帶阿B與熊貓姐姐吃lunch。
今日我一早準備好就可以坐巴士去，阿B由上巴士企到落巴士，
我叫佢坐又冇反應喎！可能太留心睇野！

熊貓姐姐lunch食一點鐘，我十二點半已到到達目的地，坐坐下又扭計要出去。
我比餅、糖、果汁、電話、MP4，玩左一陣又唔得，最後出動埋我只係放係袋，
而未用既〝米奇〞鏡比佢玩先可以安靜得耐D。

阿B係坐車回家途中訓左，睇下佢訓得幾〝淋〞！
不過，落車時我抱佢起身整醒左佢，只不過訓左4、5個字到。

維修未完冇飯食，所以我地就過去肥阿哥果邊叫外賣吃，而阿媽佢地就落街食。

今日咁忙阿B緊係未洗白白喇！
過到去娣婦就幫佢洗白白，我緊係趁大好機會影下相喇！

阿B睇肥阿哥打機睇到幾〝入神〞好似佢玩緊咁！
仲拎住個搖控當手制好出力〝禁〞。

睇睇下~唉！衰豬係到〝卒腳趾〞。

佢D腳趾好得意架！好似D提子咁，粒粒都〝脹卜卜〞好大粒架！

娣婦都有野做掩護，唔知點降解阿B都知佢玩〝NDS〞，
阿B見到實要玩，最後都係比佢阿B玩，佢仲踩左一腳添丫！

晚飯就緊係自己食喇！