泡泡魚@2008愚人節

1 April 2008

今早帶阿B去〝惠康〞買餸排隊等比錢時，
佢等到不耐煩將個頭放在購物車的手柄上，我冇帶相機用左電話影，
但係捕捉唔到，佢一見我影就立即坐返好，睇下佢幾蠱惑丫！

一返到屋企就自己立即脫下背囊喇！不過，係拋落地下到。

我執之前買落既蛋糕、麵包材料預備拎回老公家，
阿B一見到我執野個盒就立即將D野執出執入喇！
後來佢仲自己將個盒笠落自己個頭到，仲要不停由屋頭走到屋尾，笑鬼死我地。
阿B可能知今日係〝愚人節〞，所以就自愚氹下大家開心。

我一見到佢笠個盒係頭到就諗起早上同佢睇〝四眼雞丁〞
，套戲內〝雞丁〞有個朋友叫〝泡泡魚〞，佢係一隻魚要帶氧氣罩架！
就好似阿B而家咁樣喇！咁精彩我緊係有錄低與大家分享嘛！

傍晚時份~阿公執藥阿B例牌去攪攪振，因為阿公有個兜裡面會有好多個樽仔，
而樽仔內裝住D藥〝五顏六色〞搖下又有聲，所以阿B每次都會去攪架！
而我又要煮餸唔得閒喎！所以又出動個盒比佢玩勒！

佢又係將D野搬出搬入，又將個搖控器放埋入去，到冚蓋時又拎返出嚟！
唔通佢識分類既？

但係冚極都冚唔到，跟住又再執過，佢不停執都係唔得，
最後〝har〞到D野週圍都係，跟住又走去攪阿公，我就〝拿拿淋〞煮埋D餸，
然後去〝泡製阿B〞喇！我唔係打佢，只係叫佢執返D野啫！