骨頭硬

今日、明日我可以休息，原因好簡單就係阿媽休息。前日老公同我講佢下星期五(2/5)請左假，咁我今日就同阿媽講等佢請假。

今朝7點半叫左老公起身後，自己都訓唔着，咁就早D起身喇！我送左老公出門口就梳洗，跟住又上網搵下〝阿蘇〞、〝肥媽〞既節目，被我發現到〝雅虎香港搜尋官方BLOG〞，又執下野，又睇下整包好丫定蛋糕，但係有好多野都要用鮮奶，一係就要用蛋白唔要蛋黃，於是我搵到個材料、做法都好簡單既〝雪球〞。

之前講過要減肥〝Blog友仔~Grace

〞就介紹左我做〝高中健康操〞，今日終於有時間可以做喇！以我咁既年紀和身形身手都算不過不失，但今日做〝高中健康操〞先發覺自己〝骨頭硬〞又跟唔到喎！我要學識呢個〝高中健康操〞，我都有叫老公陪我一齊跳，不過，佢話好攰，我都有諗住叫埋阿媽一齊跳。

今日老公係公司收到消息，前途好似不太明朗，點解〝你爭我奪〞一定會有呢？唔通冇社會就唔會進步嗎？