維修‧避難

之前房署維修人員睇過話我地整〝石屎剝落〞要自行搵人拆鋁窗，拆完又要裝咁多錢，而且佢地又話唔整都冇問題，所以決定唔整。當時阿媽返緊工，放工回來知道就奇怪有好多人都係咁，但唔駛拆鋁窗，所以就去搵房署維修人員叫人再睇。

上星期阿媽通知我今日十點會有房署維修工人來維修，咁我就要帶阿B〝避難〞，所以我都早已約左熊貓姐姐食lunch。

我地等到十點都未嚟！阿媽就打去追，回覆會搵師傅盡快到，再等多半個鐘都未到，我就出馬打去追，都係官腔口吻，但好快就有房署維修工人嚟睇！因為有一個單位整個厠所下塌剛剛先整好，要十二點、一點才可到來維修。

我早左半個鐘到達食飯的地點，阿B坐一陣就扭，幾經艱苦等到熊貓姐姐食lunch，我搵位前已睇左食乜叫佢幫我買埋。

熊貓姐姐食完就幫我抱阿B出去行，但佢唔多肯要去我到，所以我食左半碟飯到就冇食出去搵佢地。之後去左〝橘子烘焙〞買個Mousse模，因為見到個Blog友仔介紹唔錯又唔貴想試下，順便買埋其他材料。

阿B好喜歡吃〝聖安娜〞的卷蛋，所以我專登買左一個〝瑞士卷〞焗盤整比阿B食。

今日阿B唔肯行差不多全程都係抱，真係抱到手都震震地，所以係橘子樓下問阿B〝返屋覺豬企定去公園？〞，問左幾次先答〝回家覺豬〞。在回家車程中阿B訓左我就問阿媽維修完未？阿媽話剛開始，吓！唔係掛，阿B訓左咁你開家架車仔係外面，但落車時比我弄醒左~激氣。

房署維修人員、老豆、阿媽討論緊整3支柱的問題，討論完老豆就出左電梯口坐，我並冇參與過唔知佢地講乜只聽到話〝挑〞出嚟就得，房署維修人員話要住戶自行拆去先幫我地整，這是規矩。

我見佢地企晒係到就過去睇下咩事，之後出電梯口叫老豆拆，老豆叫我拆，我冒汗！點拆呢？其實，我都預左係我拆架喇！問左老豆原來係拆塊膠板啫！Easy Job喇！我以為要拆埋路軌添！咁就難到我喇！

阿媽問埋廚房咁樣有冇開題？房署維修人員一篤就有野跌落嚟！都要整埋。但又要拆廚櫃玻璃，可能太耐冇拆，所以我與老豆都試過係拆唔到，我地亦都同房署維修工人講玻璃難左唔緊要喇！房署維修工人話怕被玻璃弄傷，不過，佢都話應該冇問題既。

我4點幾又肚餓，所以吃左阿媽係〝山崎〞買返嚟既〝黑糖〞麵包與〝東海堂〞的〝美呆棒〞差唔多都係中間有cream，不過，阿媽話好食過〝東海堂〞。

今晚我地冇飯食，阿媽話去樓下吃，我通知肥仔，佢問阿媽食乜？佢知道後就話過肥阿哥果邊吃。每次外賣都係得肯德基、Pizza Hut、元綠壽司、麥麥，但娣婦唔食麥麥和元綠，所以我決定吃雞，因Pizza Hut又貴又唔係抵食。

我通知老公，老公話叫外賣貴又冇乜旅選擇，所以佢自行外賣回來。我地想試個〝鬼馬芝士波〞，所以老公到達就話〝鬼馬芝士波〞餐，我問佢地的食量：肥阿哥要4件雞加一個上校漢堡；肥仔3件雞；娣婦2隻蜜蜜燒、少少薯格、一個鬆餅；老公要2件雞；我要3件雞，而阿嫂未返，肥阿哥幫阿嫂order3件雞和一盒白汁雞皇飯。

而家D飯比以前少1/3，而雞皇飯都少一半。

我係第一個食〝鬼馬芝士波〞，我咬落去想拉時~真失望，一D都唔似廣告既，睇下流都唔流下~真係〝留〞(假)。大家都好失望味道好一般，芝士味又唔強~總之把鬼喇！

我地6點幾過去肥阿哥果邊時都未整完，明天廚房要掃油和後天幾支柱要鋪磚，鋪磚大工程D因為要搬開D野！