〝碗仔翅〞前排話煮阿婆唔舒服冇謂口，前幾日想煮屋企又要維修，
終於今日煮左喇！大家Tea Time就可以吃佢勒！
我用埋前日用剩的清雞湯倒埋入去。
今日同阿B去睇醫生，若果去睇西醫我就可以去買衫，因為成日等醫生時，
係商場內有間Boutique衫唔錯，不過，今早問左娣婦係去醫院睇。
肥仔放工返嚟！就同佢講阿B睇完醫生我要去買衫，
我一早諗好~若然佢地唔去我就自己去，因為〝廣安醫院〞係山上，
而Boutique係千色店果邊都相距幾遠下，點知肥仔話咁佢又去果度買衫。
我地離開醫院後就行去山腳坐小巴去Boutique附近。
頭先我係醫院矛厠出嚟時度門交太實回彈時，
整到隻手前臂最發達既肌肉紅左，之後就瘀左，睇下我幾〝倫俊〞。
Boutique內有張梳化仔，咁我要睇衫就放阿B落去坐，
我轉頭衰仔就自己滑落地週圍走，娣婦和肥仔就帶阿B出去等我專心睇衫。
我睇得好開心丫！因為衫合我心水、我又合穿，仲要衫都唔係好貴。
我買左2件，本來仲想買多件，不過，個售貨員話我著就可以差D，
佢怕我個Hip唔合身。買左新衫緊係著下照下喇！冇我想像中咁好睇，
不過，我會同自己講好睇來催眠自己，唔係就可能又唔著架喇！
我有好多衫都未著過，到而家想著都著唔返，因為以前S、XS碼，
而家X、XL碼點著到喎！
晚餐去左食〝日本〞食堂吃，我地每人叫左一個飯自己吃。
老公~滑蛋豬扒飯、我~咖哩豬扒飯、 肥仔~壽司餐、娣婦~滑蛋牛肉飯。
另外再加少少小吃，老公特別order，肥仔話貴左D，因為一客2隻要20蚊，
即十蚊隻，老公話好食都唔算貴，但我唔覺有乜特別都冇味。
老公話食日本野係冇味，因為係要食佢個鮮味，但我一D都唔覺，
反而老公覺得佢有鮮味，等我明天問下佢地覺唔覺呢？
肥仔問我明天去邊？高達叔叔約我地去睇模型有合適就買，
然後，後天來我地家砌，不過就未約實。肥仔明天要返工，
因打風娣婦不能回娘家吃飯，咁我地見此就叫高達叔叔自己買，佢冇乜所謂，
所以我就約左明天去肥阿哥家玩勒！
沒有留言:
發佈留言