跨進一大步@Wedgwood

今日老公要返工，所以過左肥阿哥到，上次肥阿哥話我冇新意，今次我就決定煮
〝肉醬意粉@香草番茄醬〞，可惜肥阿哥有約唔回來吃晚飯。

老公lunch來電明天都要返半日，因為有客到和〝四字頭〞都會嚟！唉~老公應承左我明天去〝惠康〞掃貨，而且我地明天要去飲宴架嘛！咁實趕唔到去掃貨，但我要等老公回來與他一齊去飲宴，希望老公唔好咁遲返嚟喇！

晏晝我與娣婦去〝惠康〞幫阿B奶粉入貨，又要買晚餐材料，中途阿嫂又來買左少少與我地一齊夾儲印花，到比錢時我才記起通知姊婦阿B要買片，但趕不及，唯有明天等埋阿媽一齊去掃貨。經過今天一役原本欠六十幾個印花，而家欠25個咋！頭先前面果個人買左好多野有46個印花，因為星期六、日over三百蚊有雙陪印花。

今日又用60個〝惠康~笑哈哈印花〞換多一個環保袋比阿媽，因為上次阿媽比左我先。

從肥阿哥家回來後，阿B睡前扭計我就抱住阿B行，唔小心被塊板〝cake〞到，這種事常發生，我跪係到時唔覺意被〝cake〞既腳趾公掂到覺得痛，一睇隻腳趾公又瘀又腫，死喇~明天點著果對鞋呢？對鞋本身著得耐隻腳就痛，老公即刻叫我問娣婦借〝阿B平時用開既去瘀膏〞一用，阿B一聽到就〝依依~哦哦~〞。

阿B本身都扭緊計，大家都不以為矣，我搽緊時佢仲係〝依依~哦哦~〞，娣婦問〝阿B你係咪又要搽丫？〞，佢就好快咁行過嚟！見佢摸住自己隻腳與我整到既位置相同，然後坐低，佢腳趾公一D都冇事，但兩個膝蓋都有D瘀，搽完依然摸住隻腳趾公，娣婦話〝腳趾公冇事丫！你個頭瘀就左。〞，咁阿B就摸住個頭，然後娣婦就幫佢搽勒！