老婆~〝郎禮〞兼細路

今、明兩日老公都要北上上半日，頭先幫阿B洗白白時老公來電冇聽，之後老公再來電，佢第一句就話〝我有樣野想講，但你唔好嬲喎！〞，佢一講我個心就諗到就話‧‧‧

我：隻錶唔係爛左丫嘛？(十分激動語氣)

老公：條錶帶爛左，分開2段。

我：吓！我最鍾意呢隻錶，條錶帶好難配架！我一定要配番原廠，但原廠都可能要幾百蚊。(激動又唔開心語氣)

老公：對唔住，放工去幫你配番。

我：對唔住都冇用喇！你放都夜喇！舖頭都關門大吉喇！仲要唔係間間都有得配！

老公：應該放9點，講左你會〝剧〞D嘛！我都唔係有心，可能過X-Ray時整爛左，諗住落嚟回公司前幫你配電。

我：唔會架喎！我知你唔係有心，但我而家真係好嬲，唔鬧你鬧邊個喎！都話你黑仔架喇！平時話你又唔鍾意。

老公：係喇！係喇！我黑仔喇！放工去幫你配番囉！

我：配都唔係即刻有喇！諗住星期日去飲載架嘛！

老公：配唔到咪買過隻差唔多架囉！

我：唔要，唔會有差唔多，我有好多錶，要咁多做咩？

今個星期日諗住載呢隻錶去飲，但冇電，星期一已交左比老公幫我配電，但佢成日都唔記得，直到今日錶帶仲爛埋添！隻錶係最貴又跟左我好多年都冇事，一過佢手就爛，其實貴都唔係問題，問題係隻錶係我最鍾意，同埋有紀念價值，見到隻錶就會勾起好多開心回憶。

頭先我既語氣一直都係好激動，我知唔老公唔想，不過，我當時真係好唔開心，隻錶係我最鍾意，又有紀念價值。我知要配返一模一樣係冇可能既事，差不多款都未必會有，都冇辦法架喇！佢話買過一隻比我，義意就唔同左，加上我有咁多錶都係載死果2隻，以前返工就話用嚟襯衫啫！而家工都唔駛返，衫又係著果幾件都唔駛襯喇！更何況我唔想再嘥無謂錢，留番買其他野好過喇！

我都知道自己又細路又〝郎禮〞架勒！同人講實係話我唔〝arm〞。頭先我都有打番比老公用番平靜既語氣講野，之後諗住接老公收工一齊去配，因為萬一有另一款我唔係到佢實決定唔到要唔要，但係再打比佢就冇人聽，應該忙緊，不過，自己仲有唔開心。