豉油雞翼 (內附食譜)

今次我用返以前的方法冇用卥水汁、瑞士汁或雞汁齋用生抽、老抽，不過，味道冇以前咁濃，因為娣婦和老公都不喜歡吃濃味野。

這個口味適合不太愛吃濃人士，雖然，肥仔都係濃味人士，但都空口吃左幾隻。

豉油雞翼

材料：

雞翼                2磅

冰糖                117克

生抽                1碗

老抽                1/3碗

水                    5碗

蒜頭                3-4粒

雞翼飛水材料：

水                    浸過雞翼

蔥                   1棵

薑                   2片

做法：

1.          雞翼飛水材料煲滾後加入雞翼，水滾立即熄火。

2.          倒起雞翼，用水喉水沖雞翼，或加冰來冷卻雞翼，直至雞翼由外至內都冷卻即可。

3.          生抽、水、冰糖、蒜頭放入煲內，煲滾試味，記著一定要先調校好汁味。。

4.          把味校好，待汁滾後放入雞翼連蔥、薑，再加老抽攪勻，然後立即熄火，把蓋合上焗約二十分鐘即可。