起〝樓〞

朝早阿B坐得好寸咁睇電視。

頭先與阿媽電聯叫佢飲完茶買材料我整〝混醬車仔餸〞，但回來時佢冇買蘿蔔，
咁我就落去買。雖然，落雨我尋日都有帶阿B落街，所以今日都唔例外，
地下乾咪比阿B行，濕咪我抱囉！大人有時都要出街抖抖氣喇！小朋友都一樣啫！

每次出門街都要佢同每一個屋企人〝拜拜〞先出得，頭先佢差一步行出門口，
我就叫佢同爺爺講〝拜拜〞，佢停步轉身〝拜拜〞，再轉回來落預備落一級時，
唔知佢係咪自己〝cake〞到自己，個人向前跌，我想向前救佢，
但見佢落得好緩慢，應該沒什麼大礙，所以無上前，估唔到係跌得慢，
但跌左出街撞左落地下起左棟樓，當場又喊到無聲。

我抱住佢去等電梯時，出絕招〝寶磺力〞咁就收左聲喇！
我為左補償頭先的過錯就抱佢去士多買左支〝寶磺力〞，
沿途都拎住唔放，返到去飲奶又想訓。

一見到有人食野就起身~成個人醒神晒！層樓又腫又紅又瘀，阿B都係姑姑媽衰，
唔係你就唔會咁喇！

睇下佢食蘋果食得幾〝鬼鼠〞。