〝C+偵探〞、〝出埃及記〞

今日11點幾我打比肥仔問去唔去肥阿哥到？點知係娣婦聽電話，我當然有照問喇！因為尋日肥阿哥自己一個人係房睇〝C+偵探〞~郭富城主演的，而我地就係廳打機，在食飯時，我說我未睇喎！肥阿哥話明天黎睇咪得囉！

肥仔12幾打黎話阿B今日唔返Playgound，因為剛睡了，佢仲叫我打比肥阿哥，佢會1點去我附近吃野，而肥仔自己就等阿B醒左先至算。可能肥仔來電嘈醒左老公，我就叫佢梳洗。

我地集合後去左一間茶餐廳，這間是我與老公之前吃過2次都不好吃的，但今次出乎意料之外好吃，由其是肥阿哥既〝照燒西冷〞，但我既〝白汁雞皇飯〞都不錯，老公與阿嫂既〝星洲炒米〞就失色少少，但唔係唔好食，係冇我地既咁好食。肥阿哥拎左隻〝出埃及記〞出黎，係頭先等我既時候去買的，我聽講幾好睇，肥阿哥都係咁講，一陣有時間可以睇埋。

我地大家都估唔到茶餐廳都有〝照燒西冷〞和有咁好既水準，可以與阿蘇介紹係〝宜家〞食既燒牛肉有得比，但肥阿哥覺得好吃過〝宜家〞，而老公就覺得〝宜家〞好吃D，因為上次肥阿哥去果次既牛比較〝鞋〞，不是平時既水準。

在用膳中途肥仔打比阿嫂：「阿B醒左，娣婦想帶阿B去公園，阿B吃埋2啖粥就會出門口。」，阿嫂忘了問要唔要買野比佢地食，咁我就打比肥仔問，佢地要食〝吉野家〞，我地吃完就行左一陣先去買〝吉野家〞。

經過商場買~〝馬仔〞係阿嫂想吃、〝光蘇餅〞係我想吃、〝芝士條包〞係我買比阿B吃的。

尋日阿嫂買左比肥阿哥好似幾好，所以我又買一個試下。

阿B係公園玩得好開心，跟住我地返肥阿哥家，與阿B洗完白白後就開始睇戲。肥阪哥話睇〝C+偵探〞一秒都不能走開，如果唔係就唔知佢講咩！這套戲是一貫〝彭氏兄弟〞作風，真的不錯。我地睇完還有時間剩，跟住就睇埋〝出埃及記〞，但不及〝C+偵探〞好看，有一些失望，娣婦仲話悶到想訓，佢地都話唔知講乜。

C+偵探

演員：郭富城、廖啟智、成奎安、商天娥、黎耀祥、小雪、谷祖琳、劉紹銘、黃德斌
導演：彭順
電影類型：劇情懸疑

故事簡介

亞探(郭富城 飾)是個孤兒，父母失蹤了三十多年，下落仍然不明。阿探是個性格樂天而勤力的私家偵探，他因為有深近視而不能投身警界。他查案時有一特別嗜好，就是喜歡用手提電話中的相機拍下所有關鍵細節。
一日，一名叫肥龍的男子拿著一張相片登門找亞探。聲稱相中女子要殺他，希望亞探找出女子下落。肥龍看似喝醉語無倫次，但他取出一大?鈔票給亞探作預支酬勞，令亞探不能抗拒。肥龍一面拜託亞探，一面口吐白色穢物，情境異常詭異。
亞探根據肥龍相片開始著手偵查，卻不知自己已身陷一個匪夷所思的詭秘殺局，懸疑凶險之處令人手心冒汗……

出埃及記

演員：任達華、劉心悠、張家輝、溫碧霞、邵美琪、余安安、林家棟、詹瑞文
導演：彭浩翔
電影類型：劇情

故事簡介

詹建業，任職軍裝警員逾二十年，雖多次參與升職面試，卻未能成功獲得擢升。雖然如此，但妻子張芳仍默默在背後支持他，不時予以鼓勵，令詹十分感動。可是，張芳母親卻一直對詹冷嘲熱諷，更不時勸戒張，該找個條件更好的男人付託終身。某日下午，詹為一名涉嫌在女廁偷拍之疑犯關炳文錄口供。關不單否認指控，更告訴詹，他在女廁無意中發現有個女人組織，正進行殲滅全世界男人的計劃，由於計劃需要秘密進行，不能洩漏任何風聲，因此她們選擇在沒有男人的地方─洗手間─定期會面，互相交換情報，這正好說明為何女人在洗手間所花的時間較男人長。關決心潛入女廁，搜集她們談論集體殺害男人的證據。詹認為關之說法十分無稽，但亦如實記錄在案。豈料當天晚上該份供詞不翼而飛，而女督察方子晴接觸過關後，關便急改口供，更大方認罪，引起詹之好奇，調查之下竟發現自己妻子亦與該組織有關…