頭先在娘家吃完飯就回家，回到家中見有些頭暈就攤左係張床到，突然想老公〝攬攬〞就伸出雙手，點知老公以為我要起身，他坐在床邊背住我，然後將兩手向後伸示意我比手他拉我起身，但係我話想〝攬攬〞，之後他就擰轉身，唔淮我郁，我以為佢同我玩，原來唔係，突然我聞到一陣濃烈臭味，係你喇！老公你放〝缽缽〞臭死我喇！快D行開，任我如何爭扎佢係都唔比我起身，點算好呢？我快要中毒身亡喇！
突然，我個肚都蘊釀緊想‧‧‧，呵~呵~天助我也。嗯！這是我唯一脫身的方法~就係以牙還牙、以眼過眼。嘩！終於甩身喇！我這次是無色無味有聲，記得阿婆話〝無聲屁臭死人〞，老公的就是無聲屁。
我想用汽水去解毒，所以就去雪櫃拎，但唔知係咪中毒太深，走出廚房時不小心，右邊手跟撞左落個架到，痛到我立即放低汽水，用左手掩住隻手，立即衝落張床到，老公問我咩事，他一邊睇一邊卒一邊呵，而我就一邊喊~真係痛到〝標〞眼水。
我有時唔記得掂到就痛，但有時唔掂都會突然痛，唔知明天有冇事呢？
沒有留言:
發佈留言