金鋼圈、緊箍咒

今日阿媽帶我&肥仔去睇跌打，睇完我選擇行回家，因為只需10分鐘，但一邊行一邊〝標〞冷汗，跟住買〝麥麥〞，回到家吃〝麥麥〞、長效、睡了，睡醒仍然痛，不過，隔了一陣好好多才可以寫這篇網誌，如果再好些一陣整蛋糕。

希望明天會沒事，因為明天、後天要整包包、曲奇、蛋撻、蛋糕，有些是明天拎去肥阿哥到&後天拎回家，明天順便係肥阿哥天台幫肥仔同阿B剪髮。

今日一早起身又係右邊肩頸&頭劇痛，再過多一陣成個頭都痛，在我頭上好似有一個〝金鋼圈〞

，繼而有人諗〝緊箍咒〞一樣，痛楚緊緊的包圍著我的頭，我打個〝乞嚏〞個頭都痛到爆，因為我要用力的關係，我現在的狀況根本就不可以用力~真是痛苦難耐，但我一定要回家湊阿B。

雖然，阿媽今天都是病假，但尋日我聽到她約阿婆今天去拜神，她們去拜神是晨早去的

，今早阿媽有來電說：「肥仔返晏，你回到家中不用叫醒他。」，再者今個星期我已休息了一天，娣婦為此己請了一天假，雖然，娣婦請了假，但都有回公司做了一陣工作，可想而知她的工作有多繁忙，我真的不想打亂她的工作進度。

今早去買完麵包，再去等巴士，今天遲了到巴士站，所以不知等多久才有巴士，我見到有小巴就衝了上去，正當我想〝嘟〞之際，看到小巴司機用手勢示意我不要〝嘟〞，抬頭一望原來是老豆。回到家，麵包都沒吃就去左睡，因為真的很辛苦。

我在睡著期間發了一個夢，在夢的最後是有一個朋友的女兒在喊

，當時我是半夢半醒，但我感到自己的頭快爆，於是乎我打算再睡，但突然覺得好似現實中都有喊聲，再想可能是阿B，我就在睡夢中爭扎要起身，真是阿B在哭，我就立即衝入房抱起阿B，當時我是暈暈地

，又要行2級樓梯再跨過床欄才可以抱起阿B，之後又要做回同一動作，真的好驚會〝碌街〞整親阿B，最後都成功拯救阿B，但唔知點解近排阿B睡醒就喊，在半夜都喊幾次，唔知係咪嚇親呢？

我等左好耐阿媽與阿婆都未返，肥仔發現阿B痾左臭臭，我望一望個鐘10幾就與阿B洗白白，在洗白白中途阿婆回來，而阿媽就買左D野請同事吃回了公司，我見11點幾阿媽都未返就致電給她，我說：「你幾時返？我頭暈、頭痛、周身骨痛，我要回去休息。」，隔左一陣阿媽回來了，她說：「我和你去睇我之前既跌打師傅~幾好的。」，其實，阿媽叫過我去好多次，我都唔去，今次我沒有氣力回應，所以我沒出聲~她當我應承，我亦唯有接受她的好意。肥仔又話去，因為他與老公一樣成日都要搬野，平時都是我幫他們按摩的。當然有阿B份去喇！但係肥仔要趕返工，我就叫阿媽打去問問多唔多人，聽電話的人說：「很多人，但你與師傅講要趕返工就可以睇先。」。

我地去到已約有20個人在等候，問肥仔那裡痛~花了約2分鐘幫肥仔整，而我就說帛頸痛又花了1.5分鐘就完成療程，跟住就幫我地貼上膏布，我沒有說我那裡最痛，他竟可以將膏布貼在我最痛那一邊的位置上~真的很神奇。 我的肩頸真的沒有那麼痛，但個頭仍然好痛。師傅一邊整一邊〝哈~哈〞唔笑聲，阿B一邊睇一邊笑，佢好鬼鍾意撕野發出的聲音， 一聽到就會笑。阿媽問師傅我的情況。

阿媽：「我個女係咪歪左？」

師傅：「係！佢係歪左。」

跟住阿媽就叫我〝唔好再拎咁重既野喇！再黎睇多幾次。〞，佢地歪左意思係指我隻頸。之前都睇過西醫、跌打、推拿都有不同答案。

講政府、私家西醫：話我冇野，都照過X-Ray都冇野，不過好耐之前。

跌打、推拿：話我頸椎移位、歪左，壓住神經線，所以會痛。

中醫與西醫有咁大既分別。

這個師傅是阿媽同事介紹的，因為之前阿媽整親要禁住D野才可慢慢起身，睇左幾次後情況改善了很多。阿媽話果到有很多人睇，放工有很多OL都去睇~排晒長龍。她們因為成日要用電腦所至

，有些小朋友都有去睇過，有一次阿媽見過有一個女仔是晝晝的都去睇，可能是她常常都是低頭的關係。

診症時間：其實沒有診症，只要你說什麼事就可以。

治療時間：每個人只是1、2分鐘便可。

診金：這裡的診費很便宜，沒有待定的診金，只要你將錢入落行是塊便行，沒有人知道你是多少錢，有些婆仔沒錢只是入10蚊，而阿媽都是封20蚊，肥仔話20蚊太寒酸話封50蚊，之前阿媽封50蚊，但她的同事說不用那麼多。

雖然，這都是辛苦錢，但係一日睇好多個人，以前星期六都開的，現星期六、日都休息，我諗他應該都幾好搵，所以診金多少都不是一個問題的。