快快樂樂公園去

今日去肥阿哥家前，大家一齊陪阿B去左公園玩，不過，肥仔&姊婦去先，點解之前都有講過唔再講喇！唔想太長氣。去到已經見到娣婦與阿B玩緊喇！果到有3款滑梯：單一條曲曲地既、一條旋轉、一條孖住既。

這條單一曲曲滑梯，你睇阿B玩到不單止趴轉落，仲用雙手輔助加速滑快D，這招式阿B一歲到已經識喇！可想而知佢幾百厭呢！

滑完仲要不是行樓梯，而係直情行返上去就算幾危險，有一次佢仲行到成個人企直行返上去，都唔知個〝痛〞字點寫。

滑丫！滑丫！再黎過~

唉！肥老豆有野食喎！等我行過去先，唉！冇得食，肥老豆叫我〝走丫~走丫~〞，乜咁孤寒架！

這條旋轉滑梯佢都照樣滑完又行番上去，這條旋轉滑梯我滑過都有D直，所以都幾危險下！

最後一條滑梯係孖住的，玩完又見到阿媽食野又走過去，佢仲想拎汽水飲添丫！好在娣婦快D唔係倒左就冇得飲存喇！

肥仔吃完為左轉移阿B目標唔好攪娣婦，就用〝寶礦力〞引開佢，咁梗係成功喇！

你睇下佢幾鍾意飲，初初就咁比佢，後來倒落奶樽到，你睇下佢幾心急，抬高頭又張大口等。

去到肥阿哥到例牌攪攪震，拎住搖控周圍行。

嘩！你就好喇~有〝寶礦力〞飲又有〝牛油棒棒〞食。

跟住走去想攪伯伯部〝M〞，好在肥阿哥每次阿B黎都會搵塊布遮住部〝膽機〞，唔係就‧‧‧，之後梗係比伯伯捉住喇！

我地快D坐好，預備開場喇！唉~點解禁極都冇反應既。梗係喇！都唔係呢個搖控。

跟住佢見到伯伯就好留心伯伯既一舉一動，學到十足十，之後笑到見牙唔見眼。

衰仔幾嘆丫！一邊食奶一邊睇電視~幾捨意，細個真係開心，無煩惱。