之後我地與高達叔叔吃晚飯~
前日我與熊貓姐姐試過開心果姐姐新買的褲後，都好鍾意，所以就相約了尋日一齊去買，但開心果姐姐冇去，因為佢要去露營。我地就依照開心果姐姐形容的路線去找那間店，我地行左2個圈才找到。
入到去個售貨員就係咁sale我地，我地搵到想要的褲睇緊，佢就話熊貓姐姐著M碼就得，我地話唔得。雖然，熊貓姐姐身材中等，可是她的坐圍比我與開心果姐姐還要大D。
我地：M碼與L碼尺寸相差多少？
售貨員：M碼細2寸。
我地：尋日我地試過朋友的L碼很舒適，我地想要2條L碼。
售貨員：售貨員：哦！係咪差不多收舖先黎果個？
我地：唔知丫！
售貨員：係咪~圓菇碌架？
我地：係丫！係丫！(一邊笑一邊答←好衰)，咁有冇得平？
售貨員：你地簡多2件野，就有一樣唔駛錢，而家做緊promotion買3送1。
我：即係計最貴果3件。
售貨員：好抵架！你地簡唔到我先齊頭比你，齊頭比你都係平9蚊，你簡多2件仲抵喇！
其實，我心諗原本買1件變2件，除開係平，但我又要買多件咪比多左錢，係你抵過我至真。不過，我地都有睇，如果有合心都會買，但真係冇，個售貨員跟住我地係咁sale，我最怕係咁，你比我自己睇仲好喇！最後都係買左2條褲收齊頭數，我叫老公去比錢，佢貨都冇比我地check，我都唔問怕佢再sale我地。
我地行左幾步，老公就話將我條褲擺係佢個袋內咪唔駛拎住，熊貓姐姐叫老公〝唔該~順手擺埋〞，老公發現2件褲厚薄唔同，之前我都懷疑點解我的紙袋會將膠紙爆開，而熊貓姐姐的紙袋可以黏得埋袋口，我再摸下我條褲是厚身，而熊貓姐姐是薄的~真係唔同喎！再拆開個膠袋，質地唔同，顏色唔同，立即折返詢問，因為我地是要厚的。
我地：點解2條褲厚薄都唔同既？
售貨員：係咩？一樣。(齋睇)
售貨員：哦！佢係2 lot貨，厚身是舊貨、薄身是新貨。(用手摸2條褲後講)
我地：咁仲有冇厚身架？
將2條褲併埋比對，薄的比厚的腰細2吋，咁即是係M碼喇！但售貨員都仲話一樣，再用尺度話只是相差一寸，我睇係2寸，我自己再度~真是差2寸。熊貓姐姐又怕脾位唔〝arm〞，就將條褲併在自己腳上，售貨員話一樣〝arm〞，售貨員唔知我識做衫厄我，就算唔識都識度喇！去搵左條新既出黎話一樣，我叫佢拆開睇又係薄，唔拆就話一樣，擺明厄我地，但我地要厚的，跟住又搵多一條都係薄。
售貨員：冇喇！你返去試左唔合穿，再拎返黎換另一樣野。
熊貓姐姐：咁有冇得試架？(試身室)
售貨員：我地呢到冇得試。你返去試唔合穿回來換另一樣野。
熊貓姐姐：商場係咪有厠所？
我：有，但好似係商戶專用。
售貨員：唔好~呢到厠所好污穢不堪。你回家試唔合穿返黎換另一樣野。
我地在店內堅持要厚的，佢堅持冇貨、回家試、不合適可以貨換貨，跟住有客入黎，另一個售貨員去招乎客。
原本我想叫佢訂一條回來比我地，因為我地比晒錢，我知是可以咁做的，不過，不用出聲。
售貨員：貨倉好似有貨要搵，開單比你地有貨就通知你地取。
熊貓姐姐：好丫！我唔急。
拎左張單，跟住我地就走。
熊貓姐姐：話下星期佢應該會打黎。
我：問張單有冇店鋪的電話，有電話有事都可以問下。
熊貓姐姐：唔知喎！應該有架麻。
我：唔知喎！如果係現沽單咪冇囉！快D睇下先。
真係只是一張現沽單，連名都冇簽又冇公司印，又要折返問電話，熊貓姐姐話拎完電話就離開呢到~十分多人。在店內好多人，佢寫左電話和舖號係張現沽單內。
1. 佢一直都話冇貨，點解唔比反一條褲的價錢我地。
2. 成日都話一樣，但我地已試過係L碼合適，係都要我地回家試。
3. 佢話貨倉有貨都係想打發我地走，因為返回店鋪詢問初時是沒有客，到後期店鋪就越黎越多客，可能怕我地會影響佢既生意，唯有用借口攪掂，點解之前又唔話有呢？
4. 薄身的布做不出厚身布的褲款，就算是合身，但穿著出來的型不及厚的好看。
沒有留言:
發佈留言