今日主角不是我，而係肥阿哥是也！
今日真係唔多願起身，因為連續3日都好夜訓，星期五、六零晨4點幾睡，至於尋晚睇〝鋼之練金術師〞零晨3點才睡，當然老公有陪我喇！買左〝麥麥〞做早餐。
早上回到家吃完早餐，阿B都未起身，我見自己有D眼訓，所以走左去睡。約9點電話響，我立即彈起身聽，因為怕嘈醒阿B。
肥阿哥：你係邊到丫？
我：我係屋企囉！
肥阿哥：咁你一陣買個火煺通粉比我。
我：即係早餐喇！你點丫？
肥阿哥：嗯！我冇野喇！但周身骨痛。
我：咁我一陣帶埋阿B過黎！阿B未醒。
肥阿哥：你大約幾多點過黎？
我：等阿B醒左、食埋奶大約10點。
掛線後我繼續睡，突然聽到阿B叫，我走入房睇唔係，為免再係咁我就睡在阿B旁。約10點阿B醒，但我沒有理佢，因為我好攰，佢見我郁就一個頭撞落我個頭上~好痛丫！跟住食奶、中場休息、食藥、滴眼水，都係唔肯食奶，當時已11點唯有帶埋過去，跟住去買早餐。
阿B過到去都係唔食，我就比肥阿哥既通粉佢吃，食左少少就唔食。我見此就比左3條手指餅佢吃，但係食餅時發生左一D奇怪野，當時肥阿哥躺在地上，而阿B坐係肥阿哥前面〝face to face〞。
第一條：我問阿B比唔比伯伯食？肥阿哥都問比唔比？點知阿B比肥阿哥吃，仲成條食晒！
第二條：佢比肥阿哥食左半條，跟住拎返自己食埋果半條。
第三條：肥阿哥吃左一啖，自己又吃一啖，佢地你一啖我一啖吃晒成條，不知幾sweet丫！真係羨慕！
阿B好少會比人吃，我同肥仔都係間中問才比，其他人佢都唔比，今次比肥阿哥食不知幾慷慨，因為阿B好窮寒架！從來不會同人分享，不過唔食得既都會比我食，例如：奶咀，有時你唔問佢，佢都會比你食架，食得既就免問喇！肥阿哥忘了叫我買〝快熟通粉〞，咁我就話晏D買過黎比佢，順便拎〝冬青膏〞、〝長效〞比佢你。
12:05p.m.：離開肥阿哥家，跟住我就同阿B落會所玩，遊戲室冇人阿B圍住個滑梯走，我就係另一邊擮佢~開心到不得了，玩左幾個字阿B自己行出遊戲室，繼而行去大門要離開會所。
回到家我諗橫掂一陣過去不如係肥阿哥到食埋飯，老公成日都想食〝肥牛烏冬〞就煮這個做晚餐，再買金菇、娃娃菜夠清淡，再加埋我醃雞翼去煎夠晒喇！我就立即去通知各人。
阿B吃左1、2啖飯就不吃，又唔肯訓，但我太攰睡著了，不過我知阿B間中有攪我，最後阿B用鐵頭功叫我起身~痛到我丫！我起身時約3點，見佢沒什麼吃過就開6安奶，都唔敢開8安怕他吃不完就睡了，點知真係吃剩2安就趴轉睡了。
阿B大約睡了1個鐘就醒，阿媽叫我拎一大壺湯過去大定一齊飲，咁我唯有等埋肥仔一齊過去，因為我一個人要抱住阿B、阿B一袋裝備、一大壺湯、手袋、一袋野(自己)。肥仔回來叫他不要太耐，因為他要洗白白&屎CC，我怕肥阿哥肚餓，到現時為止他只吃了我今早買去的早餐，但見仔話好難架喎！我唯有比佢選擇(一) 拎阿B裝備&壺湯、(二)抱阿B，佢梗係選(一)擇拎野喇！阿媽叫我放低袋野比埋肥仔拎，因為我一陣再要去買野食比肥阿哥、惠康(預備今晚晚餐)，我話唔駛我自己拎，肥仔要拎湯會好〝倫俊〞。
我抱阿B再拎埋手袋和一袋自己野走人，去買左野比肥阿哥食先，再去惠康。上到去整整下野才記得忘了買〝快熟通粉〞比肥阿哥，因為一心想快D上去怕他肚餓，肥阿哥話唔駛用碗仔翅、燒賣、牛肉代替左〝快熟通粉〞飽飽喇！
全部野準備好，等各人放工回來就可以煮。娣婦都有問我有冇野可以幫手，不用了，但後來我煎雞翼時想再邊煮烏冬，我怕雞翼燶，因為我醃雞翼時忘了醬油是〝豉油〞落錯左〝老抽〞。
剛好阿嫂回來入廚房，我就請阿嫂負責煮烏冬，我地2個分工合作，但係有時肥阿哥又叫左阿嫂去，因為佢好痛。肥阿哥食左少少就唔食~太痛去左抖抖，佢話連呼吸都痛。後來我洗碗時叫左阿嫂幫佢搽我給他的冬青膏，搽完覺得好左D，跟住阿B扭要走，我就同阿B講洗完碗去會所，阿嫂與娣婦就帶左阿B去，到我洗完碗就回來，我冇得去添，肥阿哥見到阿嫂就話鬆左好多，大家飲埋湯就散Band。
肥阿哥頭先執野時搵到比我的。
沒有留言:
發佈留言