3 November 2007
尋日忘了同阿嫂講〝碗仔翅〞煮熱就會唔稠，所以今朝就打比佢。
阿嫂：知唔知肥仔係邊？佢話今日過黎。
我：我知丫！佢未過黎咩？佢話今日去你到幫阿B剪頭髮。
阿嫂：未丫！我打左2次比佢都冇人聽。
我：哦！如果佢係家睡緊就聽唔到，係街既話因為電話有震冇響、有響冇震，咁你要唔要娣婦電話打比佢？
阿嫂：唔駛喇！等佢一陣，會打黎。
掛線後就即刻打電話回家睇過究竟，阿媽聽電話。
我：肥仔係唔係到？
阿媽：係丫！但睡緊，係咪叫佢聽。
我：唔駛喇！阿嫂搵佢。
阿媽：今朝見阿B隻眼仲紅，6點幾去左睇急症。
我：點解唔叫我丫？我今朝7點幾就起左身。咁醫生話咩事？
阿媽：佢地話咁早唔好叫你，佢地講過咩事，但唔記得左。
唯有晏D打比肥仔睇下咩事，我問肥仔有冇帶埋之前睇私家醫生既藥去睇急症？急症醫生話D藥冇標籤唔知咩藥。原來醫生話阿B有2個可能性：
一‧眼既〝紅膜〞發炎：會係1、2個星期內好返。
二‧眼敏感：呢個就會經常性出現。
阿B冇眼罩帶，所以就要多加留意唔好比阿B抺眼。
保重身體呀。
回覆刪除最近我親人都因感冒入仁安醫院，3 日 2 夜，花左 $11,000，好彩有保險包晒。
您地有無做到足夠既保障呀？
[版主回覆09/11/2008 22:41:00]有丫！仁安應該係咁上下，但都係貴。
有時候無得選擇，要醫得快嘛。
回覆刪除[版主回覆09/12/2008 09:44:00]咁又係，好在有保險，唔係就肉痛。
您買左邊間保險？保額要幾大呀？
回覆刪除[版主回覆09/12/2008 13:21:00]我幫朋友買，我都冇留意！
您要留意呢。
回覆刪除因為萬一有機會「使用」，都要知道保額足夠與否。
[版主回覆09/12/2008 22:05:00]咁又係，等我有時間就去了解下先！