一班爛賭鬼

23 December 2007

今日天活動出席人仕有我、老公、熊貓姐姐、高達叔叔和同屋住一家，原本高達叔叔約我地一齊去同屋住家攪大食會，但係我地唔想煮，所以就決定晚餐係出街吃。

我地約好在〝大家樂〞吃午餐，我吃的焗豬扒飯比以前難吃左好多，我吃了半碟都沒有，老公見到就話：「你食咁少，一陣又嗌肚餓。」，我平時不是太難食我都會食晒，但我早餐都未食都吃咁少就知真係好難食喇！

熊貓姐姐係食飯既時候比左阿囝幅相我睇，阿囝好少會企得咁直，睇下佢幾高貴！

大家離開〝大家樂〞後，就向同屋住家出發，我地的活動都係離不開耍樂、耍樂，再耍樂。平時通常耍樂完才食飯，今次我就提意7點幾吃飯，吃完再打過，因為我怕小朋友肚餓扭計、眼訓。

今晚我地去左酒家食飯，這裡的菜餚都不錯，我地下次可以再去幫襯，在食飯途中我問左老公一D問題。

我：我今日冇嗌肚餓喎！點解你唔讚我既？

老公：讚你咩丫？

我：咁你話我〝焗豬扒飯〞食咁少唔食好快會嗌肚餓，但我冇再食野喎！

我講完佢都係冇讚過我，咁我又再講‧‧‧

我：咁我下次食多D野喇！食多又話我，食少又唔讚我。

其實，我都唔知佢想點，成日都唔讚我既。

吃完飯我地再繼續耍樂，最後要搭尾班車回家。