我要與〝它們〞說再見！

阿媽尋日開始放假直到下星期一，咁樣等於我可以連續放5日假喇！今日約左阿婆、阿公、阿媽飲茶去飲茶，之後再一齊去睇跌打。

我每日都要貼一整塊〝撤隆適〞，有時用2整塊，再用〝3M~醫生紙膠布〞固定膏貼，膠布黏到我條頸有D敏感~好肉酸，好似有皮膚病咁，又有疤痕喎！我成日都要著D衫要遮住條頸~好煩，但唔係咁我又訓唔到。

日頭有時就搽〝冬青膏〞頂住先，再唔得就會食〝長效〞，真係急需先吃。我知長此落去唔係辦法，徙錢之餘，用得多都冇效喇！我要遠離〝它們〞，點算好呢？

之前阿媽介紹既跌打師傅我睇過一次效果都唔錯，雖然，睇完夜晚都要貼，但係醫緊丫~會慢慢好架麻！貼都唔知貼到幾時，我都有同老公講過試下再睇，咁又可以唔駛徙錢，睇一次仲平過買止痛品，但係一直都懶冇去再睇，這次促使我〝的〞起心肝去睇就係‧‧‧。

上星期阿B去左剪頭髮，佢著過既衫沾滿了髮絮，洗完、曬乾後我用封箱膠紙黏番D頭髮出嚟！但係黏左一件後就用晒封箱膠紙，我叫左老公拎一卷比我，但要下星期回來黏過，但我又冇記性冇左件事。

前日阿婆再提我，我由早上11點幾開始黏直到3點幾，點解要黏咁耐？剪髮當日天氣凍阿B著左5件衫、2條褲，有D係厚衫，厚衫多層髮絮有好多藏身地方。阿婆都幫我整左2件，叫左佢唔好，但係都要幫，我怕佢傷神，咁我當然有double check喇！始終老人家眼力唔好。前日本身肩頸唔多舒服，加上要低頭黏野，簡直係痛上加痛，所以我決定等阿媽放工後去睇跌打，碰巧阿媽腰又硬晒要去睇，去之前我都食左粒長效。

前日係我第2次睇，雖然比上一次治療時間耐左少少，但效果沒上次那麼樣好，阿媽就覺得好好多，她還說：「如果我明天再來睇話比佢知。」。

尋日早上阿媽&老豆約左姨媽拎D野，我係屋企湊阿B等佢地返嚟一齊吃lunch，跟住我、阿媽就去睇跌打，阿B係醫館內攪攪震，所以我抱左阿B出去行下，間中回去看看到我未。

尋日鬆骨後比前日好，真的鬆左很多，痛楚亦都減輕，不過，用電腦時又緊返D&痛D。

今日飲完茶便一齊去睇，雖然，治療過程係快，但有好多人睇，我等左約1小時。師傅話我好左好多，但冇講要睇幾耐才完全康復。不過，我自己都要配合一下，而家盡量坐直D、唔好成日都將D肌肉收緊，但我都唔知點解會咁，之前好多醫生都叫我唔好咁緊張、放鬆D，但我自己又唔知有咩令到我緊張，有時訓醒發覺肌肉收緊，我會立即放鬆返，究竟咩原因呢？

這2天休息，要到下星期才開診。