老友記‧秋季BBQ (旅行篇)

我地今次聚會不是耍樂，而係適合每一個人的BBQ，這次一行12個大人、6個小朋友，但正義叔叔老婆要返工，所以由菲庸保上。其實，我一直都好擔心，這一天的來臨，點解？因為我怕我醃既食物和引入焗既食物唔好食，雖然怕，但係我都要醃，事關可以平D，最重要既原因係有D野想實踐左好耐，而又冇機會，今次係最好時機。

老公食過味噌雞全翼覺得醎左D，而至Fit姐姐和我都唔覺得，她還說：「我喜歡吃濃味，這種味適合我。」，她並且對我的乳鴿評語都不錯，她覺得像街的一樣。同屋住覺得食物醃得醎，因為他比較喜歡吃淡味。當然，我有問其他對於食物的意見，佢地都話OK，但我覺得乳鴿唔OK~皮都唔脆，我諗可能係上皮材料份量有偏差或風得唔夠乾身。

同屋住話下次等佢醃，都好丫！佢煮野唔錯架，他是我們的大廚，但不是常常出手的，佢整一定好食過我。

我地一齊食完野後，同屋住一家與正義叔叔一家就會去霸爐先。其他人就會兵分兩路去街市(女)、惠康(男)買野，再匯合搭車入去。我地上車不久，他們就來電已霸到2個爐，之前大家仲擔心會唔會好難搵爐呢？而家冇問題喇！

我地去到街市後，就跟住我事前做好的購買清單〝照單執藥〞，但當然會有臨時變動，雖然有清單列明要買咩，都要臨場〝隨機應變〞。我地去到菜檔老闆介紹我地食〝白靈菇〞，佢話好好味架！但係我掛住燒野食，而家先醒起我冇食到添！下次再買黎試先。

跟住去買〝大眼雞〞，但行均全部魚檔都冇，佢地話唔係成日有，我仲以為一定會有，因為我小時候見阿媽成日都買到，所以我地就選擇左買游水〝黃立倉〞，又買左1斤海蝦。

一入到燒烤場離遠已見到同屋住兩公婆與正義叔叔一齊與他們的小朋友在遊樂場玩吹泡泡非常開心，當然有人睇住個爐喇！就是正義叔叔的菲庸。

我地隨即開始工作，做包裝女工、洗碗女工，包丫~包丫~、切丫~切丫~、洗丫~洗丫~。買既時候唔覺咁多，但到包裝時唔知點解包極都唔完既，所以叫一D人燒住先，另一D繼續努力，因為怕小朋友肚餓。大家通力合作下，終於大工告成，包裝女工們都可以開始燒烤喇！

我包裝時見佢地只是燒丸、腸，全都是現成野，而我醃既一樣都未拎出黎，點解唔燒我醃既呢？唔通佢地怕難食？我諗應該唔係既，燒呢D好快食得。後來老公開我醃既出黎，我攪掂後立即叉左2隻全翼，朋友見到就話：「你咁快燒全翼？」，係丫！我一向燒烤一開始就係燒2隻全翼先，我最喜愛食全翼。

這隻雞翼係CoolMan叔叔個大囡燒，人人見到都話靚，我見佢好有心機燒，我見到雞翼既油都滲出左表面。其實，她是用焙方法整熟的，我影這幅相時已焙左半個鐘，之後繼續焙左幾耐我就唔知！

高達叔叔燒番茄吃，當他試過後~食過返尋味，係燒第2個時，個番茄上的芝士變左2舊黑色野，佢話似米奇，但我就覺得似熊貓多D，跟住他就將它拼埋熊貓姐姐到，開心果姐姐〝咔嗟〞攪掂，可以留念喇！

正義叔叔在傍晚6點幾就走了，因為大囡明天要返學，但留下了一盞燈、水袋比我地用。這不是UFO，而是正義叔叔留下的燈，它只需4粒2A筆芯電就可以好光亮，平時他去露營都是用它。開心果姐姐話見到〝鴨療街〞有得賣，只是幾十蚊。

約7點到CoolMan叔叔都要走了，因為佢2個囡明天都要返學。當時還剩下好多野未燒，我已經預既份量是大人的人數2/3，並且沒有計算小朋友在內。

最後，我地8點幾完結，雖則有D未燒、熟左未食，但明天佢地要返工，大家就各人認頭分裝。我地行返去搭車，在落車時我提意食糖水，嘩！有好多人丫！咪有排等囉。雖然多人，但係等左一陣就有位，嗯~食埋糖水就好滿足喇！

老公明天放假，因為他有事要辦，但係有些變卦，所以明天可以全日陪我。我已安排好明天湊阿B去老公家，然後下午一齊去公園玩，跟住等娣婦放工黎湊阿B走。

焗白靈菇、海蝦、黃立倉

燒乳鴿

簡易雞中翼、蒜茸雞扒、南乳雞中翼、烤雞全翼、味噌雞全翼、蜜汁牛扒

臘腸夾都包：這是熊貓姐姐提意燒臘腸，而至Fit姐姐就拎黎夾麵包，我都有食過味道唔錯，臘腸燒到脆，如要燒要將臘腸燒得乾身D。

芝士燒番茄

芝士洋蔥煙肉焗釀番茄

(焗前~洋蔥煙肉)

(焗後~加芝士)

芝士香草牛油焗薯

焗洋蔥