行程緊密‧食得頻密

尋日高達叔叔想去〝沙田西田~玩具反斗城〞睇Lego，但變左耍樂，所以已約左今日再去。

今日短短時間去左好多地方，又係2個鐘內食左2餐正餐，又買到野~真開心！不過有D唔開心就係老公唔舒服，返到屋企我煮左〝暖笠笠愛心~味噌湯〞比老公飲。

高達叔叔比我地早到，佢係〝新城市樂園〞玩一陣等我地，我地會合後，老公要去〝80M〞睇巴士，而我就係車仔檔睇下有冇〝Elmo〞既野賣，我睇第一檔已經搵到有喇！我問左老公先，一陣佢又話我徙錢，我入搵到老公等佢睇完先同佢講。老公準我買，但有幾款問佢邊樣好？最後都係買左我心中想買的。

我覺肚餓就問佢地〝要唔要食D野先？〞，原來大家都未食野，我想買個邊行邊食，但D麵包唔值呢個價，所以冇買。老公提意去美心買雞脾，高達叔叔話好多人實冇位，但老公諗住買外賣搵個地方坐低食。

橫掂要去〝西田〞，不如去睇下有冇野食。〝西田〞的〝food court〞好多人，我地等左一陣就走左去食〝麥麥〞。老公手拎住個牌，因為佢和高達叔叔的包要等，我未見過這個牌~有D大鄉理添！老公話唔舒服~食完〝麥麥〞開始想嘔又頭痛。

我地離開〝麥麥〞就向〝玩具反斗城〞進發，如果阿B嚟實好開心啫有咁多玩具和小朋友。行行下見到前面有〝Elmo〞公仔，早知頭先唔買住喇！呢個實係正貨和呢隻D毛好D添！真係激死我。

高達叔叔見catalog有，但貨架就冇，於是我搵售貨員問問。售貨員話冇晒貨，高達叔叔就叫佢幫佢check下幾時，因為高達叔叔之前係雜誌睇到售價2百幾蚊，但而家睇到同一系列既要差不多8百蚊。售貨員回覆售價都係2百幾，但全線店鋪都冇貨，我問幾時會再來貨，佢都唔知。高達叔叔唔一定要買，所以冇留電話，佢會出去其他地方睇睇。

我想個記事簿要買refill去左〝商務〞睇，但離遠已見到關左門，我走過去睇下佢幾時開，原來今日收2030明天就回復正常。我望望隻錶2035，哎呀！差少少咋！

我地要去的地方都去晒，而家行去〝宜家〞行下和睇下仲有冇野食。行完第一層已9點，咁就去左食野先，因為餐廳9點半關門。我與老公梗係宰牛喇！高達叔叔食〝煙三文魚〞，還有一碟肉丸，不過都冇分你我一齊吃。我冇食〝煙三文魚〞，佢地話〝腥〞，老公仲話肉丸〝好羶〞，但我食過唔覺，不過整體都差左，唔知係咪近收爐既關係。我係〝宜家〞買左個黏塵轆，上次見肥阿哥D飲管差不多用晒，所以買左比佢。離開後老公要去〝殊殊〞，但我去完佢都未見人，我以為佢係內面嘔，點知佢係肚痛。

頭先等老公既時候，我無聊冇野做就影左條走廊，高達叔叔就教我如何影，我地各自都影左2張相。

高達叔叔問仲行唔行？我冇所謂，但我要係做〝嗚門〞前回到家就可以，老公見時間都不早舖頭大多都關門，所以就各自回家。行行下老公記起今晚冇〝嗚門〞睇，係喎！忘記左添！老公頭先都係想嘔和頭痛，而家仲有D暈添！要行快D返去。