你都識〝麥麥〞喇~

今日阿B訓到差不多十點，早上屋企得我與阿B，佢都好聽話冇扭計，雖然，我係陪住佢，但有時我都會行去整少少野，我發覺每次都係得我與他時都會比平時乖，就好似今日咁‧‧‧

我行左入房執野，平時佢知道就會跟住入嚟攪攪振，但出乎意料今日冇，我又見好靜得電視機聲，唔通佢眼訓訓左，差不多執完就出去睇下佢攪咩！佢冇攪野，好乖坐係到睇電視，之後又繼續執埋D手尾。

出到去佢又係好乖咁坐係到，過多陣又趴底係到睇電視。我問准左阿B先去煲粥，期間阿公打長途搵阿B，同阿B講明天回來，夜晚佢地話尋日阿公都有打番嚟搵阿B，不過阿B未起身，之後就陪佢訓覺。

2點幾就醒左，我再煲滾粥細碗阿B自己食，大碗我餵佢食。粥熱未涼阿B就食，結果吐返出嚟，我話粥熱要吹下先食，之後佢再冇自己食，到我話粥涼食得喇！佢先至有自己食。

娣婦放工未入門口阿B已拎左袋〝麥麥〞入嚟，頭先打過回來吃什麼？阿B為食到流晒口水，佢拎左袋雞出嚟！但比我〝哦〞佢就即刻放番入去，佢又放唔到只擺係袋口，想用兩隻手護住，但都係跌出嚟！後尾我放左係枱到，佢就望住個袋笑。其實係今朝我係〝麥麥〞買左個〝豬柳蛋漢堡〞只吃左2啖和麵包皮，其餘餡都比阿B食晒，佢食完仲望住個袋笑又用手篤個袋。

我地晚餐食〝Pizza Hut〞阿B都同我地一樣好努力密密食，阿媽話佢唔識食，攪到污〝租〞等佢餵阿B，我話唔駛喇！細路係咁架喇！其實，阿B呢方面比其他小朋友叻，係唔講野啫！我心諗樣樣都咁呵護咁樣佢點長大呢？要選擇呵護。

阿B食完野自己走去玩。

到我地食完同佢玩就撞到個頭喇！想喊但又冇喊出嚟！

跟住又走左去睇佢至愛既〝Noddy〞。