小霉氣

今日係肥阿哥〝生日〞，祝佢事事順景、心想事成，好似拜年咁添！

尋日約左熊貓姐姐今日吃lunch，我同佢講唔帶阿B嚟！佢出奇地問我點解？因為我明天放假囉！(我阿媽放假)

今日一起身右邊肩頸和頭都劇痛，之後想落地就見到地下有隻〝小強〞死左，立即叫老公起身攪掂佢，之後我繼續訓，但太痛搽D冬青膏先！都係痛到訓唔到，之後再起身食粒長效，唉~得返3粒一陣要買，係床碌來碌去，老公見到問我做咩？都痛到訓唔到~真係痛到想喊！眼角有少少淚水，唔知要痛到幾時。

之後訓到十點幾起身，大約12點預備出門時阿媽來電話我知阿B隻腳趾公流血，詳請〝流血‧骨裂@腳趾公〞，我係街到不停用電話與娣婦和阿媽溝通、聯絡，最後娣婦約左3點半到醫院。我聽左呢個消息後個心掛掛，好擔心。

我去到目的地睇左食乜就去搵位，一入到去就見到一個人，雖然，老公未見過呢個人，但佢唔鍾意我與這個人有任何接觸，呢個人尋晚先同老公提過，俗語〝日頭唔好講人〞啫！夜晚都唔得？

熊貓姐姐來到我就同佢講，佢問我係邊？我話走左喇！我又同佢講每日都胃痛、腸痛又痾，佢又好似老公咁晤我係咪腸胃炎？應該唔係，上次都以為係，點知醫生話我〝情緒緊張〞引起，又問我有咩緊張呢？自從上次減肥後我就好怕肥返囉！你知喇~我與老公差咁遠。

今日我食〝鴛鴦炒飯〞又冇味，個獻汁食落去個感覺好似鼻涕咁！熊貓姐姐話佢個〝福建炒飯〞OK喎！

我要去〝二德惠〞買野！食完飯熊貓姐姐陪我去，上到去休息，平時帶住阿B又唔會見到果個人又唔會休息，唔通阿B係我既福星？跟住我地行樓梯落一層去〝橘子〞，我未買完熊貓姐姐就要走。阿嫂來電問今晚過唔過去食飯？今日佢地兩個都放假，但娣婦今日要返學，而老公和肥仔都放好夜，所以取消左。

之後都急急腳回家，因為阿B約左3點半去醫院，等埋娣婦回來就一齊去，但佢約左人5點半有野傾，之後7點又要返學，唔知佢趕唔趕得切呢？係醫院走既時好大雨，我地坐的士送左阿媽和阿B回去，就原車坐去葵芳，因為大家都有事去葵芳。

我見肚餓就買左個包，又怕唔夠買多半磅方包，之後又去左藥房買1條厠紙、2支冬青膏、一盒長效，咁少野都成舊水，食得又貴、唔食得又貴，錢好似落雨咁！

食左個包真係唔多夠，所以整左半磅香草蒜容包吃~Yummy。有少少燶係因為諗住拎少少野好快啫！但又忘記左咪咁囉！

頭先係醫院，醫生房門口有幅油晝，見唔錯咪影下。

呢盞燈係〝X-Ray〞房出面架！