流血‧骨裂@腳趾公

直擊醫院實況~

每次叫佢〝依〞都會有咁既表情架！

睇到幾入神〝老積〞到屎！

棟腳棟得幾自然~好有〝佬〞Feel！

今日約12點阿媽來電話頭先阿公阿婆返時，阿B好開心起勢跳又Stomp，
足知攪到隻腳趾公流晒血，我聽到就好擔心。我與娣婦商量後，
娣婦就決定放半日假帶阿B〝廣安醫院〞睇，不過，我約左人食飯，
要等我食完飯先，咁大家就相約係屋企等。

我返到去阿B企係到等食荔枝。

我睇到佢隻腳趾公真係好多血。

食緊奶都冇時定既。

阿媽係醫院幫阿B再抺乾淨D。

阿B一向都冇內性，所以成日都話要走，我就比左〝Pingu〞佢睇，
但佢又睇到縐晒眉，又再按現佢〝老積〞既一面。

我地見醫生，醫生話流血都好，因為流左血腳趾冇咁腫，塊腳甲會成塊甩，
然後再長過塊新既，但靚唔靚就唔知。雖然，係流得唔夠多，
問我地放唔放血？放血就會燒熱個萬字夾拮落去，再禁D血出嚟！
唔放血就要多一個星期先好。醫生話唔洗照X-Ray，因為佢都活動自如，
只要吃抗生素就可以，之後醫生就話出去等洗傷口。

等到醫生來洗傷口時，醫生話要照〝X-Ray〞，
因為佢話正常咁既情況唔會咁腫，佢要睇阿B有冇骨折，
照完拎埋張片再洗傷口，娣婦就去比錢照〝X-Ray〞，嘩！成420蚊好貴丫。

娣婦帶阿B入到〝X-Ray〞室就喊，因為佢可能諗起上次入醫既慘痛經歷，
以為又要吊鹽水。娣婦叫我入埋去幫手，好不容易先攪掂。

我地拎住張片去搵醫生，醫生睇左話阿B有少少骨裂，好在冇移位問題不大，
照左2張〝X-Ray〞一張會比再專業D既醫生睇，一張就比我地拎走。
醫生話唔駛擔心小朋友大約12日到就會康復，大人就要3-5個星期。
之後就去洗傷口，阿B又再次喊到拆天。
傷口唔可以沾到污濁水、沙布2-3日就要換，
若要洗白白就要包膠袋，再包保鮮紙。
娣婦埋單兼拎藥~醫生連藥費504蚊，今次阿B又睇左好貴。