355ml vs. 330ml@可口可樂

今日與肥仔帶阿B去完健康完後，就去肥阿哥家聚。阿嫂尋日去深圳公幹，係Pizza Hut食野，咁佢就拎左支羹比我勒！嘻~嘻~

肥仔臨時先講話游水，所以我冇準備，唔等肥阿哥就去游水喇！今次得阿嫂興肥仔陪阿B游，我與娣婦係池邊影下相，都唔係游左好耐。我地4點幾先落去游，5點closed，但要早15分鐘清場，6點半再開。

我地游完水肥阿哥都返到家整緊魚缸，唔知點解缸魚都死得七七八八，上次買既新Mo仔都死晒，今次連珊瑚都有事，唔知點解肥阿哥個缸不定期會成缸魚死晒架喎！阿嫂話肥阿哥呢幾晚都係望住缸魚嘆氣，其實，咁都幾傷架！

前幾日老公叫我睇報紙話〝可口可樂〞縮水，報紙話〝可口可樂〞由355毫升變330毫升，其實係全部〝太古〞罐裝產品，仲要係冇任何公怖，即係每罐少一啖到，但每14罐就少1罐，睇下個罐size差幾遠。

阿嫂話果次見到〝可口可樂~雲呢拿味〞高D，以為〝可口可樂~雲呢拿味〞有新裝，而家就知唔係，佢地除肥阿哥外都冇人知，不過，我唔係老公講都唔知，因為平時邊有人留意架啫！

〝百佳〞都冇分開擺，大家買既時候就要留意下喇！今日肥仔又好彩買到355毫升，所以我先有得影相咋！因為老公買左330毫升。而家有收藏家搵355毫升，因為唔出買少見少喇！