你係咪病丫？

這對Combi學習筷子係之前我叫高達叔叔係樂園換既，因為我好耐都冇去樂園玩冇積分。不過，我今日先記得拎比阿B。

今早阿B中場休息時，比佢發現到對筷子，阿B一見就好開心~口水都流埋。

阿B一拎到就不段左睇右睇，好想即刻用，但阿B而家唔用住，等你大少少先喇！

約大半個鐘後，我再比奶阿B吃，都係吃剩3安，跟住我去換衫預備與阿婆和阿B一齊落街行行，攪掂後再比多一次喇！點知就出事。

佢見到支奶就扭頭，放近佢個嘴就扮嘔，仲扮左2次之多，跟住我就行開左整野，突然後面有聲，心諗死喇！轉身已見地下有一攤嘔吐物，我就立即走向阿B將他的人向前傾斜少少，好在D衫褲鞋都係得幾滴，但我都幫佢換左乾淨衫和鞋，跟住阿婆就話唔帶阿B落街。好在肥仔今日病左要落樓下睇醫生，所以我與阿B就係診所外徘徊等肥仔睇完就行去隔離村行下。

到達隔離村後，行下商場見到〝日本城〞我就入去行行，阿B一見到這4架車就立即放在地上推，其實這4架車係有一個長形膠盒裝住既，所以就可以一次過放在地上推，肥仔見到咁又不是貴，平均都係3蚊架就買左比阿B，不過，阿B已整爛左紅色果架，明天要拎AA膠比肥仔黏。

唔知阿B明天會點呢？唔知係咪比肥仔傳染既呢？