木馬

今日我要整〝紙包蛋糕〞比阿婆，但係8點幾起身太早，用打蛋器會嘈住鄰居，所以晏D先整，跟住晏晝就約左去肥阿哥家玩。由於老公部電腦尋日已執過，而我部Notebook尋日好慢又話〝虛疑記憶不足〞，並且有2星期未執過機，所以就用住老公部先。

我用老公部機只是開左自己既〝Blog〞，跟住用〝Yahoo〞搜尋我部機既資料睇下有冇消〝RAM〞，我睇睇下〝Norton〞就彈左個警告視窗出話〝中左木馬〞，哎呀！點會咁架~，其實，老公部機佢只是去2個地方：馬會和波網，我好少用佢部機，但這幾日我上網搵緊寫網頁既法語，所以我就2部機一齊用，唔通咁樣就出事。弊喇！我好擔心，Notebook、老公和肥仔部機我都只是全上同一樣教寫網頁既網，咁我地會唔會全部中招呢？

我強行熄左再開老公部機，只是得桌面幅相和有個信息長彈出嚟！我部機用〝Norton〞、〝Ad-ware〞、〝Windows Defender〞掃過，都冇發現，但點解會咁？最快既方法搵肥阿哥救亡，我send SMS比佢，因為佢早上公司好忙，到左點幾打左2次比肥阿哥都冇人聽。肥仔來電問一陣吃乜？我就講〝老公部機中左木馬〞，諗住叫肥阿哥修理和睇下佢部機有冇事，但肥仔話佢部應該冇事，我見還掂都係順便拎埋Notebook比肥阿哥睇睇。

之前肥仔話同阿嫂一齊去買〝麥麥〞，係差不多落車時見到街上拎住〝麥麥〞既人好似阿嫂喎！但一瞬間又睇唔清楚。老公係屋企樓下茶餐廳買外賣和睇住牛龜重既電腦、Notebook，我自己一個拎蛋糕回家，回到中真係見到肥仔，原來阿B剛睡醒，咁頭先見到應該係阿嫂，阿婆見到好開心。

我過到去同阿嫂講頭先好似見到佢，原來我冇應錯真係阿嫂。我地開餐阿B又要食，但我地食〝麥麥〞，老公食炒飯，咁就由老公餵阿B食炒飯，食到中途門鐘〝叮噹~叮噹~〞，娣婦都係買左〝麥麥〞，但我唔覺個〝「椒」財皮燒牛肉包〞好似肥仔講得咁好食，我食完再打多次比肥阿哥，肥阿哥部機要留院，但唔好催佢要拎返，我講埋Notebook既情況佢知，佢話等佢返嚟再講。

終於等到肥阿哥返，我話部Notebook用Norton掃掃下毒就話〝虛疑記憶不足〞，肥阿哥未睇就話係咁要加RAM，部機既Graphic Card和其他野都會share RAM，部機既碟我冇帶明天比阿嫂。

我見阿B有D呆滯就出招~打機，佢見到就坐定定，仲偷笑添！之前我既目標係破〝跳雪〞紀錄，因為好有成功感，但比肥仔扯到個分好高，起碼2跳都要有172m以上才可上榜，好有錯敗感，所以我轉玩〝碌波波〞，玩多左掌握到D好有成功感，但要破娣婦紀錄要再加把勁。娣婦初初都冇玩，但佢一玩有好多紀錄都比佢破左，而家都未有人破到佢，不過，好似肥阿哥破左2個。

臨走時肥阿哥拎左部Notebook睇，才發現本身部機得256RAM，肥阿哥拆阿嫂部新Notebook既RAM換去我部到，再買條2G換去阿嫂部機到，但係條RAM唔〝arm〞插，唔緊要喇！真係頂唔住先加。

明天肥阿哥公司〝Annual Dinner〞唔想去，因為佢要做司義，但佢唔想做〝fing〞極都〝fing〞唔甩，所以明天阿B歲半，我地約左去街，肥阿哥嚟唔到，咁明天叻仔D抽份勁野返嚟做補償喇！