封箱膠紙@MP4

尋日帶阿B出街個MP4都冇乜電，今日又要與娣婦一齊帶阿B去睇醫生，所以叫左老公幫我charge電，但佢又唔記得。我今朝打開個袋見到先記起，就拎埋charge機回家charge。

我回到家拎出來，哎呀~個mion.裂左，咁咪冇左殺手簡囉！我立即打比老公問有冇得整？仲有保養架嘛！老公話部野係大陸買，保養自然係大陸，咁即係唔駛整喇！老公叫我用封箱膠紙黏住佢喎！咁可唔可以買部平平地呢？睇下點先喇！

我地食完早餐就帶阿B去醫院睇醫生，醫院有大人和小童自動口罩販買機，娣婦叫阿B買左一個小童既，娣婦話放係阿B個書包到，以備不時之須。

跟住我要去〝二德惠〞買個〝焗爐溫度計〞，之前覺得好買可唔買，不過，而家都覺得有咁既須要，順手買埋其他材料。

阿媽之前係千色店買左個奶樽飲管，但係老師都話要買個普通杯，所以我地又行左去千色店買個杯和阿B奶嘴比佢咬爛晒！順便又買埋囉！其實，阿B係要戒奶嘴，不過，比較困難，唔比就喊老人家又點捨得呢？不過，我都唔出聲，費事又嗌交。

我地買埋車仔麵就回家吃。娣婦係OK換左2個〝常見的天氣信號磁石板〞，佢知我星期日會去同屋住家，所以佢叫我拎一個比佢2個女玩。

阿嫂約7點來電問我一唔一齊吃飯？因為佢與肥阿哥在我地家附近，我問左老公後就應承左。老公搭緊車回來，而我就應約先，等我帶埋部MP4去問下肥阿哥先，肥阿哥都話冇得整，都係叫我用封箱膠紙黏住佢，阿嫂話用塋幕保護貼，但肥阿哥話唔夠厚，但用封箱膠紙咁樣衰，肥阿哥和老公都話冇野丫！咁我要帶出街架嘛！

吃完飯我地齊齊去左〝豐澤〞，我與老公去睇Notebook，而肥阿哥與阿嫂就去睇電視，因為娘佢想幫娘家換電視。

上次肥阿哥買左部電視買完冇耐就減價，今次佢又見到買左既高清解碼器又減價，次次都係佢買完就減，我同阿嫂講D野等佢買完我地先買咁咪會平D囉！

我見到〝豐澤〞有食譜，我拎左3本，一本自己，另外2本比熊貓姐姐和同屋住老婆，我星期日會見到佢地嘛！