痛‧攰@雙腳

今日著對平底鞋，可能我腳趾尾最尾粒骨大舊，同對鞋磨擦攪到又痛又紅，加上上星期著左幾日高跟對腳和腳趾痛到今日都未退，到達〝青衣城〞時我已經係要拖住步伐來行，因為抱左阿B幾個鐘，所以痛上加痛又攰。

今日如常起身，但骨好痛，所以講左個善意大話唔去湊阿B，我同阿媽講〝肚痾〞，我唔想又話骨痛，阿媽就會見到我時又〝鵝〞我架喇！話個〝肚痾〞輕〝Kan〞D嘛！

我唔湊阿B又約下熊貓姐姐食飯先，順便去搵下〝安璞‧滋味‧知美〞先！尋日雖則係係〝三聯〞留左資料，但上年我要買〝專業麵包製作〞都係同一間留過資料，但到而家都冇回覆，所以都係要靠自己。

我上網睇過我家附近有咩書店，我應約之前去左〝大眾〞搵，但都失望，唯有寄望食完lunch去搵。

熊貓姐姐又帶我去食新野~〝米線〞，我拎埋尋日既〝日式芝士蛋糕〞比熊貓姐姐吃，差D唔記得拎上次買既蛋糕模和辣紫菜添！好在臨出門口時記得咋！

我早到搵位先，我坐左咁耐都睇唔到，食既時候先知，我食既湯底係〝麻辣〞，我太喜歡〝麻辣〞，因為有太多香料，食既時候又會食埋~食得唔暢快。我order左豬軟骨米線(中辣)+芒果汁，熊貓姐姐order豬扒米粉(中辣)+凍檸賓，全部都好好味。

頭先order左野食後，熊貓姐姐就試我既〝日式芝士蛋糕〞，佢話好味，仲話好似〝山崎~日式芝士蛋糕〞橢圓形果隻呢，我聽到真係開心。熊貓姐姐朋友買左本書比佢，佢又借比我睇，係〝文地〞寫講貓貓架！

我個心諗緊唔知去〝三聯〞定〝大眾〞搵好呢？我與熊貓姐姐傾完就決定去〝三聯〞，再去〝大眾〞。〝三聯〞都係冇，唯有去〝大眾〞睇下，我心中盤算緊〝大眾〞有好大可能係冇，〝青衣城〞有不如直接去果到買，好就咁決定。

我心中又諗近排成日去街都冇帶阿B，一陣帶埋阿B去好唔好呢？打比老公問意見又冇人聽。最快和方便就係搭港鐵，我搭左2個站老公來電，佢贊成我帶埋阿B去，咁我就回家湊埋阿B喇！

〝青衣城〞~Trendyland廚窗有好大隻米奇丫！門口對出又有架米奇車。阿B個水壺係學校，屋企用緊又唔多靚，所以我今日冇帶水，佢都係飲我個水樽。等我入去Trendyland睇下有冇靚水壺先！我當然係買米奇喇！有水壺，但米奇買晒，店員幫我打去另一間留左，我一陣去果邊買先。

我目的地係〝三聯〞，入到去睇左一陣就見到，嘩！本書仲要係wrap左，唔比人拆開，咁樣確保冇問題喇！尋晚問左〝樣樣都話一般的老公〞喜歡食曲奇，所以我又買埋〝KaeBakery~自家製曲奇小蛋糕~Home-make Cookies & Petit Cakes〞，然後我又幫熊貓姐姐買〝自家製手工蛋糕~Hand-made Cake〞。

〝青衣城〞攪左個〝躍動盛夏獎上獎〞，購物滿200蚊就可以抽獎，獎品~高清電視，我係〝三聯〞買滿左200蚊可以去抽獎，即場都有獎品抽架！我就抽到呢罐野飲，我填好抽獎卷放入個箱到。

之後又去左〝冒險樂園〞，衰仔欺騙左我，又話玩打籃球，拎左代弊又唔玩，我就用左嚟擲彩虹，吖！又被我擲到140票回來喎！

好~係時候去買個水壺喇！就係呢個喇！靚唔靚呢？

跟住又去左〝Taste〞買雞翼，因為今晚煮烏冬，阿B見到都包又要食，所以我就買左2個一人一個。之前叫左娣婦放工來湊阿B，佢來既時候去左包點先生，我記得〝GRACE〞話馬拉糕好食，所以就order左馬拉糕，果真好吃過奶黃包和饅頭。

娣婦被肥仔放飛機，所以我就邀請佢留係到齊齊吃烏冬。原本我地食先唔等老公，但頭先我地落左街買野，所以就可以等埋一齊吃。老公放公第一件事就係問阿B係唔係到？佢成日都係咁既，問阿B唔問下我。

今日我又係煮〝味噌湯烏冬〞，娣婦話好like吃烏冬，佢話可以餐餐吃架！咁今餐就啱胃口喇！

之後老公要拎D野回我娘家，所以就與娣婦一齊帶阿B回去。