被騙@鸚鵡

前提請到：玩野@鸚鵡

食完野回到家上網睇到Yahoo新聞〝電腦節開幕風雨不改〞，而老公睇蘋果又係咁講，所以將明天去〝電腦展〞改為今日，又立即通知高達叔叔一齊去。

我地係屋企附近都見到有人去完電腦展，因為睇佢地手上既野得知，老公有D疑惑〝點解會咁早返呢？〞。我與老公先到〝灣仔港鐵站〞，眼見有好多人都係去會展，亦都好多人手上都有戰利品，幾乎每人一袋，應當電腦展貨品好平。

我想去〝殊殊〞，所以上左地面隔離既電腦商場，在商場內聽到有好多掃興小道消息，話Yahoo扼人、唔算都唔得喇！、有好多人鼓譟‧‧‧，老公話唔係咁攪笑丫嘛？我地搵唔到矛厠折返港鐵站，老公與高達叔叔聯絡，而我就走去問拎住一袋二袋野既人。

我：唔該，你係咪剛去完電腦展丫？
小姐：係丫。
我：咁係咪閂左喇？
小姐：係丫，3點半已經閂左。
我：唔該。

我回去向老公匯報，而老公又向高達叔叔匯報，但都照來，不過，佢就唔出閘。我見到有警察又向佢問下〝電腦展知唔知今日會唔會重開？〞，應該唔會喇！都貼左告示，當時講完先見到有告示。老公照告示版打電話去問，結果今日真係唔會再開，唯有照原定計劃明天再來喇！

高達叔叔在閘內，我地在閘外商討去邊？最後決定去〝旺角〞。

佢地話〝旺角〞會好多人，我地坐港鐵落到〝油麻地〞，沿途行去〝旺角〞街上人又少、商舖又冇開。

仲有樹被風吹倒添啵！

我地週圍行想行下商場都冇，但估唔到〝朗豪坊〞有開，只得幾間開左，呢到又有上次〝Spiral Stars Gallery星座館〞，今次係分佈8/F-13/F，唔知點解我影漏左2隻。

平時商舖開有人唔影得相，趁今次冇人見到咁得意緊係影喇！

呢2隻係係戲院內比人坐架！

老公想食野，我地去左〝麥麥〞，但老公話果到熱唔多鍾意，所以轉左
〝Mos Burger〞，我地每人食左一個餐。

食完就齊齊回去，高達叔叔來我地家砌模型，佢地係〝朗豪坊〞外圍食煙，食完又話行，點乜知我〝跣〞腳，差D跌落地，頭先晏晝食完野係扶手電梯又〝跣〞腳，好在老公扶住我咋！一日〝跣〞2次，對波鞋真係‧‧‧。

返到去我睇熊貓姐姐之前幫我錄既〝火影忍者〞、高達叔叔砌模型，而老公就~訓！仲訓到我煮好晚餐就起身。

雞翼係之前買，而娃娃菜係食完晏買架！原本唔係買菜，不過食完晏出去，所有舖頭都關門大吉。

高達叔叔係冒險樂園換左架〝Tomy Disney ：DM-04〞比我丫！