梁許安璞~愛煮食人家@星期二檔案

我認識〝梁許安璞〞這個人是從電視中，有一次睇到電視播〝星期二檔案~愛煮食人家〞，講煮野食我緊係坐定定睇喇！

我覺得佢已經好叻、好Pro，但仲仍然努力學習，不斷去問去研究，亦都冇保留教朋友。以前我好介意自己煮餸整到，人家見到會好肉酸架嘛！但聽完〝梁許安璞〞在片中這番話，從此我就改觀，睇完就從此愛上她。

梁許安璞話
〝我一向唔認為我對手須要好滑、好幼、好靚，
因為我對手係用來煮餸既，我覺得有〝鞋〞、
有傷痕對我來講係一種驕傲，呢D就係我既戰績。〞

我一直都想尋回〝星期二檔案~愛煮食人家〞這段片，但搵下停下，終於前日被我搵到，雖然搵到，但又冇code嵌入blog到，download唔到。

尋日記起Realplayer可以直接係video下載，今朝我就下載左Realplayer來下載段片。段片除左〝梁許安璞〞訪問外，仲有介紹另一個煮食男仔，我諗住用Windows Movie Marker cut左個男仔，但Realplayer唔接受我下載回來檔案格式，我就將它再轉檔，但轉極都唔得，頭都抓爆。

頭先無意中睇到短片係有code可以嵌入blog到，尋日我明明睇過晒係冇架！哎~我乜都唔攪喇！直接嵌入段片算，希望大家會鍾意喇！

之後係書局睇到佢有出書〝安璞‧滋味‧知美〞，其後又出多本
〝安璞‧滋味‧知緣〞，但2本都好貴，所以冇買。我每次去書局都會去望一望本書，買唔到望下都好丫嘛！講真我自己都唔捨得買。

近排老公O.T.多左，所以我就可以放任地買晒2本書，唔洗我比錢冇咁肉痛嘛！真係要多謝有一個錫我既老公。

梁許安璞網頁：http://www.annieandfriends.com/index.php

梁許安璞新聞報導：〝頭條飲食〞、〝頭條網〞、〝泛華匯訊〞