進步@上學

今朝阿B差唔多要返學時就黏到我實一實，唔肯跟別個，阿婆話尋日阿B唔肯返學，又唔肯跟阿嫲，係都要黏住太婆~攬到緊一緊，梗係喇阿嫲帶佢返學架嘛！

今日我與阿媽帶佢返學，又係喊到死。阿媽話〝點解喊成咁，唔肯返學？〞，校長話你唔好成日講，咁樣會影響佢情緒、心情架！校長和阿嬸都話佢係入學校門口一刻喊，入到學校裡面就唔喊，叫阿媽唔好咁緊張。

我11點就再去接佢放學，學校阿嬸話佢玩緊。

我：咁我唔湊佢住，我等到11點半先。
阿嬸：佢玩緊，冇喊。
我：之前老師話佢情況唔係咁好，所以叫11點湊，若果佢玩既就11點半先湊。
阿嬸：咁我入去問下老師先。

阿嬸入完去出嚟！就放我入去昅阿B，阿B剛係走廊，我見佢拎起個波擲落地，然後又走去拾返，又再擲過，真係冇喊自己玩喎！

跟住我就出返去，校長借左本書比我睇住來等阿B。夠鐘喇！點解咁耐都未出來既，阿嬸同我講阿B痾左臭，吓~尋日又係學校痾左，哎呀~要老師換片。

我見老師拖住阿B行出嚟！阿B邊行邊拜拜~叻左好多喎！老師都讚佢叻丫！我同老師講〝唔好意思〞，老師話咁係好架！佢肯痾臭、殊殊，因為佢對學校冇咁陌生先會痾。我問有冇與同學玩？老師話佢唔喊已經有進步，唔可以咁快要求佢與同學玩，咁又係既。阿B~加油丫！