前日我買左2條短褲，但係比錯碼我，咁即係要去換，既然如此尋日就約熊貓姐姐今日食lunch勒！我又可以拎本書和對隔熱手套比佢，上次熊貓姐姐想買隔熱手套，我有多一對叫佢唔好買。
今次我會帶埋阿B去架！我去完街唔會湊阿B回娘家，所以今朝我就約左娣婦放工來吃飯和接阿B，不過，肥仔就唔來。
今日有阿B係到，所以我地唯一選擇就係〝大家樂〞，係〝大家樂〞唯一啱與阿B食既就〝煎蛋牛肉飯〞。
食完飯我就去換褲，天時暑熱又要抱住阿B去到已經身水身汗，呢點唔重要，重要既係居然我要既size冇晒！天啊~老闆娘話一陣出去拎貨，佢見我抱住阿B就叫我下星期再來，佢會留番比我，但下星期我唔會帶埋阿B去，天氣熱再加阿B熱上加熱，幾乎無手抺汗。頭先我抺抺下汗，阿B拎左我條毛巾仔，佢自己抺面和頭既汗，阿B你應該係幫〝咕媽〞抺架嘛！
之後我就帶左阿B回家，我趁阿B訓覺時整左〝日式芝士蛋糕〞，今次冇縮得咁勁。
尋日大舅父和大舅母來左香港，不過，今日就回鄉，因為佢地D孫返學。今次佢地帶埋我鍾意既〝家鄉鬆糕〞，仲有龍眼添啵！
明天與娣婦帶阿B去睇醫生，所以明天阿B唔返學，因為佢流左2日鼻水。
左邊~前日瀏覽人數，而右邊~尋日瀏覽人數，這2個數從未係我個Blog出現過架！
小朋友一返學就好易傷風感冒!!! 所以十居其九都會幫襯醫生叔叔!!!
回覆刪除'家鄉鬆糕'係乜o黎o架????
[版主回覆08/15/2008 21:43:00]有2種架，我喜歡吃甜係由2層粉夾住D砂糖和花生碎，而鹹中間夾住D肉，我見到就怕。我問過阿婆點整，係蒸熟既。
家鄉鬆糕???
回覆刪除你邊個鄉下架？
我家鄉D糖就好好味
[版主回覆08/15/2008 21:44:00]〝家鄉鬆糕〞係我阿媽鄉下既！佢鄉下係〝東莞〞，而我就係〝清遠〞。
嘩...........唔知係邊
回覆刪除我個鄉下就係潮洲
[版主回覆08/16/2008 09:29:00]我娣婦鄉下都係〝潮州〞架！
咁佢係唔係姓黃架？
回覆刪除[版主回覆08/16/2008 20:13:00]唔係丫~
咁佢係唔係姓黃架？
回覆刪除