訓飽‧飲醉就出發

今日接阿B放學時，老師話：『課室有張梳化仔，阿B返到去就會坐上去，
果張係佢〝龍倚〞來的，到食水果時，佢睇左陣就落地拎鞋著，
但整跌左隔離隻鞋，佢又識拎起放好，佢自主力能唔錯。』，每次出街前我要佢自己拎鞋比我幫佢著，去完街除鞋後要佢放好。

我等阿B放完學、食晏、洗白白、訓晏覺，再食多餐奶就出街，
因為我唔想帶咁多野出街，咁樣係最好，當時出門口都晏晝5點。

阿B對車窗外事物好有興趣。

我同佢去扭蛋機先肯落地，雖然，冇扭蛋，但佢掂下都開心。

等到娣婦來就去公園玩下，阿B好耐都冇過公園喇！

阿B自己食飯，老師都讚阿B叻仔架！

食完又玩，佢與娣婦同事個囝不停走和嗌，2個真係禁都禁唔住。