白汁雞絲蜆肉意粉 (內附食譜)

我今日亂煮左個白汁出嚟！原本想跟書既，但材料唔夠，所以就用D屋企通常都有既來煮，唉~又掂喎！下次買齊材料先煮個正宗既。

其實，份量與用料都冇乜所謂隨個人喜好，我以前煮野唔會量住用左幾多，不過，要家有寫Blog先計住，因為要寫返出來架嘛！所以一切都可以話係隨心喇！可加、可減機制。

白汁雞絲蜆肉意粉

材料：(2人份量)

意粉                            1/2包

雞扒 (切絲)                206克

蜆肉                            142克

洋蔥 (切幼粒)            1/8個

蒜頭                          2粒

薑                                2片

蔥                                2條

白汁材料：

洋蔥 (切四方)            1/4個

麵粉                            2湯匙

水                                200毫升

鮮奶                            236毫升

花奶                            2湯匙

牛油                            2湯匙

鹽                                少許

醃料：

糖                                少許

鹽                                少許

豉油                            少許

胡椒粉                        少許

麻油                            少許

做法：

1.          意粉放滾水中煮9分鐘盛起，備用。

2.          將雞扒洗淨抺乾，然後切絲，再用醃料醃一陣。

3.          蜆肉洗淨隔水份。

4.          薑、蔥放滾水中，然後放入蜆肉汆水。

5.          蜆肉汆水後隔去水份。

6.          爆香蒜蓉和洋蔥粒，加入意粉炒勻，盛起。

7.          爆香洋蔥、雞絲，再加入蜆肉炒至熟盛起，備用。

8.          麵粉用牛油略炒，加入水、鮮奶、花奶炒勻。

9.          將麵粉炒至冇粉粒，再加入洋蔥、雞絲和蜆肉炒至〝杰〞。