環球美味批B@Pizza Hut

今朝叫老公起身又起，我就講左今朝我上磅又重左2磅，點解又既？因為尋日上磅重左1磅，老公聽到就起身話〝哎~唔知你丫！〞，佢既語氣係唔多高興既，其實，我都唔想重左，尋日晏晝和夜晚我都係食粥咋嘛！都冇食其他野，係因為我週期性不適前會谷2個星期，而家成個人都脹晒，我自己都有D唔開心架！

今朝回到娘家，阿媽食茶時打回家找我，佢問〝晏晝煲粥好唔好？〞，是但喇！我想食炸兩，於是阿媽就買左2碟齊齊吃，阿媽仲炒左〝辣椒炸菜〞，暫時除左〝豉油雞〞外，呢樣〝辣椒炸菜〞係最好味。

今日阿B有D燒冇返學，朝早娣婦話阿B晚上7點要去做評估，我地做完評估就去左〝Pizza Hut〞食晚飯。等位時見到肥阿哥個朋友，但我唔知點解一時口快同阿B講係〝姨姨〞，之後都改返叫〝姐姐〞。

肥仔話上次肥阿哥買左個〝環球美味批B〞好味，今次叫我地試下，我地叫左個大批。起初以為食唔晒個pizza，但佢切法與平時唔同食下食下，試下試下就食晒喇！嗯~我覺得都OK既！但又冇乜特別咁囉！不過，德國果邊既〝蜜糖芥辣〞幾好味。

食食下有人從我身後叫肥仔，哦~原來係肥阿哥另一個朋友，佢與頭先位朋友都係〝Pizza Hut〞食飯。

之前我睇〝都市閒情〞講關於〝牛皮癬〞，原來係唔屬於〝癬〞，因為它唔會傳染人，亦都唔係被傳染的，係自己既〝免疫系統〞出現問題所至，與我的很相似，，但上次醫生又冇講，只係話〝癬〞、唔係傳染、唔會傳染人而矣。

我就此問過開心果姐姐，佢話依我形容應該係〝牛皮癬〞，佢話係遺傳的。之前二姑媽又係有〝牛皮癬〞睇醫生都唔好，伯娘就介紹左佢用〝二天堂~拔毒生肌藥膏〞搽好左，阿媽都有一盒，但太耐佢唔敢比我用，所以買左盒新既比我，叫我試下~好既話搽2次就知架喇喎！老公見到個名〝二天堂〞？我話你以為〝海天堂丫？〞，佢係到笑。