玩野@鸚鵡

尋日晏晝收到風話零晨4點掛八號風球，呢個消息係阿媽放既，上次北冕阿媽既消息都好準，不過，老公冇大安旨意明天會掛八號風球，佢如常12點多D就訓，因為佢怕明天仍是3號就冇精神返工。

老公都有講話明天晏晝先掛又要〝頻頻能能〞迫車回家，真係麻煩。我都通知左肥仔明天唔會上去湊阿B，3號阿B都唔駛返喇！而且骨又痛。

今朝我7點半起身開電視，唉~仲係掛緊3號，今日叫左幾次老公7點7就起身，佢去刷牙洗面，然後整濕個頭預備吹頭，突然電視話而家改掛8號風球。

老公：又唔早D，等我整濕左個頭先掛。
我：你今日又咁快起身，平時你都冇咁快既！平時咪冇事囉！
老公：掛前2個鐘會宣佈架嘛！成日都播住奧運緊係喇！
我：唔緊要喇！
老公：唉~同事A7點半出門口架喇喎！而同事B好似8點先出門口。
我：咁你快D打比佢地話佢地知喇！

老公打左比同事A，佢冇出門口，佢話6點已講左會掛8號，而同事B應該遲過我出門口，所以唔打。我骨痛就係床碌來碌去等訓著，老公就睇電視等頭乾。

老公12點幾就起身睇埋午間新聞就起行去食野，平時去開既報攤冇開，之後去左幾個地方都冇〝蘋果日報〞，最後行到老遠先買到，聽到街上有人話而家〝9號〞，但港鐵站唔見有告示。

我地去〝大家樂〞食茶餐，但今日冇〝公司三文治〞，所以就折返家附近吃，回程時見到商埸有告示掛9號喇！

唔知係咪廚師打風冇得放假心情唔好呢？野食比平時難食好多。

原本明天去〝電腦節〞想買部Notebook既，但食完野回到家上網Yahoo新聞話〝今日電腦節照開〞，仲有〝掛八號風球或發出黑色暴雨警告，在有關訊號生效期間，市民可免費入場參觀〞，所以就打比高達叔叔一齊去，而家要出門口喇！回來再匯報電腦節情況。