阿B上學@第二日

今日係我帶阿B返學，  我同平時一樣回到娘家，我返到去阿B已經醒左，仲食完奶添！咁叻仔~

我拎尋日換既〝有蓋沙灘蓆〞比阿玩，但佢望住又唔玩，咁娣婦就放D波波入去。

佢都係唔係好敢入去，只係係門口拎D波波玩咋！

但佢見娣婦入左去，佢又叫係到鬧人咁喎！幾惡死~

阿B八、九點已拎鞋仔要去街，返學前35分鐘我就帶阿B返學，呢個係阿B個書包，但都係重下，內裡裝左一對乾淨鞋(校內著)、一套衫、一件外套、尿片和空水壺一個。

我與阿B係學校外出睇車，同佢warm up下先，到佢話要走我就帶佢入去勒！

睇下佢衰仔個樣幾唔順超，我送左佢入學校，由老師抱佢入去，當時既情境阿B既表情和動作好似要我與佢永別咁！佢喊得好悽涼，聲淚俱下，之後我就回家。

阿B原來又有新玩具，但唔知邊個買既呢？

我接阿B放學，就問老師阿B有冇喊？喊下停下咁，一掂到就要抱，仲有講左好多野，之後去左睇車，但佢一直都唔開心要抱，直到回家係電梯內我放低佢，然後比條鑰匙佢先笑咋！

佢成日拎住張〝臭屎被〞好似當氧氣筒咁！用嚟掩住個鼻抖氣。

衰豬幾慷慨比個奶嘴我食喎！

食飯都要拎住張〝臭屎被〞，不過，因為係佢想訓啫！食完飯我與娣婦傾電話，我地未傾完佢就自己訓左喇1！我諗佢係喊到好攰。