今日晏晝等阿B訓左覺我就走人，回去前我去〝惠康〞買D野先，係〝惠康〞出面我見到D白鴿搵D陰涼地方企，你話天氣有幾熱呢？
我想整包好耐喇！今日的起心肝坐言起行喇！上星期與阿B去〝Taste〞想買〝菠蘿果醬包〞之前食過唔錯，但搵來搵去都搵唔到，問職員話〝菠蘿果醬包〞唔會再出，已經停產，所以我今日就諗係整〝菠蘿果醬包〞。我邊整邊諗下點整，唉~第一次都發得唔錯喎！
弊勒！要分割時發現好黏手，我用左湯種又忘記減水份，之前都忘記減，可能冬天天氣乾燥，唔減都唔太問題，攪到成個過程都好似蜘蛛網咁！好在焗完個樣都見得下人啫！但食落就冇以前咁好囉！
晏晝問老公〝夜晚煲粥好唔好？〞，佢極之贊成，頭先去〝惠康〞買〝蘭記辣椒蘿蔔〞，嘩！真係貴到嘔，減左價都要$22.5，不過，都係減左幾毫子啫！
老公剛睇報紙話阿蘇下個月22日、星期一至五、晚上10點35分會幫TVB主持煮食節目，我聽到開心到彈起，不過，唔知係咪收費台做呢？
嘩。。波籮包都識整，你仲有咩唔識架？？
回覆刪除[版主回覆08/21/2008 07:21:00]我仲有好多野都唔識整架！其實，有個食譜再加時間和心機就整到架喇！
你講得好啱呀，整野食有食譜，時間和心機就整到架喇，我都好鐘意整野食架，可惜我要返工，無乜時間整呢！
回覆刪除[版主回覆08/21/2008 16:16:00]若果要返工又真係好難抽到時間整，平時要返工，放假又可能去下街鬆一鬆，得閒大家交流下丫！
Andrew少爺好鍾意睇妳個blog,早午晚,起碼各一次.睇完就學妳寫食譜,好鬼搞笑.
回覆刪除[版主回覆08/21/2008 21:52:00]多謝Andrew少爺咁捧場丫！我會加倍努力架喇！
我好鍾意食菠蘿包
回覆刪除唔該~~~~幾$$$一個呀
[版主回覆08/21/2008 21:57:00]你當然唔駛錢喇！你鍾意食幾多都得~任揀。
你個菠蘿包好搞笑呀
回覆刪除哈哈
[版主回覆08/21/2008 21:58:00]係lu，都唔發大既，係係第一次時發過就冇，真係冇之前咁好食，下次要記得減水份先。
菠蘿包又係 MY飛弗呀
回覆刪除哈哈
係唔係你飛弗呀？
細細個成日食，當早餐
[版主回覆08/22/2008 21:36:00]唔係我飛弗，不過，菠蘿油係我老公飛弗。
如果個麵糰真係太濕, 都可以加返 D 高筋粉落去, 咁個包可以挺D.
回覆刪除乜 D 辣椒蘿蔔咁貴O架!!!! 廿幾蚊幾粒蘿蔔真係搶錢!!
[版主回覆08/22/2008 21:37:00]係喇！而家樣樣都貴到區，老公叫我去雜貨店買，但又唔係間間有呢？下次趁佢減價入定貨先。
arm la~~整多D！
回覆刪除谷肥佢！
哈哈
[版主回覆08/24/2008 01:28:00]我地睇法一致~good！