今日我返到去阿B就剛吃完奶訓返，佢訓到9點幾都未起身，我就弄醒佢返學。
佢醒左又唔起身，只訓係到睇電視，阿婆厄佢話〝姑媽走喇！〞，阿B就立即起身喊住去搵我，之後就黏住要抱。阿婆用呢個方法係可以令到佢起身，不過，我就要抱住佢返學囉！佢返到學校冇喊，但就唔肯入，但入到去又走左去玩。
今日阿B開始係學校食一餐飯，所以放12點15分。我唔舒服阿媽就接佢放學，返到來阿媽話阿B喊得好勁，阿嬸話阿B食左好多飯，但就食得好污漕，所以幫佢換左套衫。老師話阿B隻新水杯唔得，因為漏水整到成個書包都濕晒，等我明天去〝Trendyland〞買過隻比佢先！
阿媽幫阿B洗白白，阿媽係阿B個Pat Pat到卒左D疑似老泥既物體，我見阿B條片換過，應該係學校痾左臭臭。阿B可能痾左臭臭冇出聲，所以醃到個Pat Pat紅晒！頭先D疑似老泥既物體，有可能係抺得唔乾淨。
阿B唔肯訓，阿媽比奇異果阿B吃，阿B聽到咋開心到彈彈下丫！老師都話阿B一有野食就唔喊，冇野食就喊，但阿B食極都唔肥，呢方面就似娣婦勒！好在唔似肥仔啫！
阿B原來係為食B, 聽日返學又會唔會為食而流淚呀!!! 再喊人地會以為你係女仔O黎O架!!!
回覆刪除[版主回覆08/18/2008 18:24:00]佢真係好為食架！只要佢見有你食野就要分一杯羹。
只要唔食過量,鍾意食咪由得佢食囉,好過乜嘢都話唔好食唔肯食.
回覆刪除[版主回覆08/18/2008 22:29:00]我應同，佢吃過好吃就會再吃，唔好食就唔會再吃，所以想知D野好唔好食，叫阿B試食就知！
哈哈~~~食唔肥.........好羡慕
回覆刪除[版主回覆08/18/2008 22:16:00]Me 2~
好都好羨慕阿B呢~!!
回覆刪除[版主回覆08/19/2008 10:36:00]嘻~嘻~