怪自己大意

今日原本冇乜野，都幾開心架！後來老公發現我件衫被勾左少少線就唔開心，應該係麻雀板塊魔術貼黏到，但我只係黏到一下，之後都好小心，一次就中招。雖然，熊貓姐姐話唔覺眼，但我照鏡就一眼望到，因為係正胸前，我諗佢都係氹我先咁講。

這件衫係我新買著第三次，問題唔在於此，而係在於我好鍾意件衫，離開左同屋住家之後我就冇講其他野，只得一句〝我好唔開心丫？〞。雖則，老公都有話叫我買過件，但未必合心合身呢！

剛才與老公share左包薯片來balance一下我既心情，我知我既行為好似小朋友，但我就係咁架喇！我都唔想多打，所以呢篇野會好短。

我與老公對奧運沒什麼大興趣，所以尋晚吃完飯回家洗埋烘焙用具就睇〝柴犬〞，但我睇左無耐就眼訓，叫老公唔好睇，佢又話唔眼訓喎！咁下次你又要陪我睇架！下次你睇咪到我訓囉！之後我睇睇下都訓左直到天亮。

今日約好左去同屋住家〝打馬吊〞，但去之前我要去〝宜家〞幫肥阿哥買D野先！就係買蓋住電線既膠管，它被比阿B〝meet〞爛晒！

我與老公去到由頭慢慢開始行，行到最後都唔見要既野就問人，原來肥阿哥想要既野已經全線停產唔出，但我順便買左2盒飲管比肥阿哥，今次呢盒係新款。付款後我地又去食雪糕，〝宜家〞雪糕冇加價都係2蚊杯~好味。

之後就與他們會合食lunch，好似晚餐多D。

我問同屋住老婆拎〝反斗狗仔隊〞想燒，我已帶定空DVD架喇！不過，佢話D囡唔睇，所以借比我，下次先比返佢。

跟住又比左盒咭阿B，佢話買奶粉送架！點解阿B買奶粉冇野送既？

我地打完8圈都7點幾先落去食飯先，吃完再打。

老公吃〝通菜鮮魷〞時，發現有隻螳螂，但碟野食到尾聲材發現，若然我地吃左又唔發現既就當補品，應該冇事既。