自己走回家

今朝阿B返學又有喊，回去途中娣婦來電〝下星期一，治療師想見下阿B。〞，
咁我一陣同老師請假喇！因為阿B早上9點要去到。放學見佢又好開心。

出左學校門口冇冷氣，而有太陽曬到既地方又要抱。
我就同佢講〝唔抱丫！要抱我就唔同佢洗白白，等佢冇得玩水。〞，
佢聽到之後就自己行，因為阿嫲齋同佢洗白白冇玩具架！洗完就上水冇得玩。

佢自己走丫~走丫~入到電梯又要抱，我再講多次頭先番說話，就冇扭喇！
我見佢咁乖咪請佢食餅囉！出到電梯又不停走，再去搭電梯先回到家。

今日放學全程都冇抱過，唔知阿B係咪聽到今朝〝抱與不抱〞，所以自己行呢？