自己行街

近排成日都自己一個人行街，以前我絕對唔會自己一個行街，但而家冇辦法喇！雖然，今日著住對高跟鞋對腳好痛，但我都專登行耐D，因為食完lunch行下好D。平時又懶做運動，咁樣都好過乜都唔做丫！

每朝老公都會用噴壺將頭髮噴濕少少，然後梳整，有一次我唔小心跌爛左個噴壺，我就用未用過，而且預備整蛋糕、麵包既噴壺贖罪。

老公可能次次都好大力禁，久而久之個噴壺成日都失靈，每次失靈老公就發脾氣，次次都係我幫佢整好，因為佢邊有時間整。

今朝7點半叫老公唔肯起身，齊齊再訓，我7點十醒一醒再叫先起。我從睡夢中聽到老公發晒老脾話〝又唔得喇！〞，佳因噴壺又失靈，加上遲左起身，咪掹上加掹囉！平時7點56分前已出左門口。

今次我起身都整唔到，真係要報銷，咁我就同老公講〝今日約熊貓姐姐食lunch，順便幫你買噴壺〞，佢當然冇意異喇！記得上次〝金田日庫料理@0808生日飯局〞時已見到有噴壺想買，不過，用緊個又未壞，買左老公實話我嘥錢，今次可以去〝吉之島~十蚊店〞行，又可以睇下有冇蛋糕模，一諗到呢到就訓唔著。好~等我打電話約熊貓姐姐先。

今日熊貓姐姐帶我去食新野，買相都唔錯，熊貓姐姐既〝黑椒腸仔、翠肉瓜烏冬〞~黑椒味濃，唔錯；而我既〝白汁雞柳、蜆肉、粟米飯〞都幾好，但味道就淡D。

我一入去〝荃灣廣場〞就見到阿B鍾意既〝雷曼兔〞，咁我就緊係影低佢比阿B睇喇！

之後我就行去〝吉之島~十蚊店〞，我搵左好耐先搵到個噴壺，幾驚要行返去〝悅來酒店〞果邊買。我睇蛋糕模時見到有細戚風模和4-5吋蛋糕模，這兩款係〝吉之島~十蚊店〞已經好少見，出面買又貴D，所以我就問下熊貓姐姐買唔買？佢話買，仲叫我幫佢睇下D焗爐。

我見冇想買既蛋糕模，咁都巡例買返個4-5吋蛋糕模喇！橫掂呢個size我都冇既。之前罐頭紅豆冇貨，今次見到又買返罐先。

我搭車回家途中諗下今晚食乜？諗~諗~諗~唉！不如煮白汁意粉喇！問老公話〝是但〞，落車後我就去買材料勒！

返到家又上下網先，睇睇下先發覺自己攪錯左D野，原來〝自家製手工蛋糕~Hand-made Cake〞應該係〝KaeBakery〞著的，剛才先知〝開心入廚系列〞每一本都可能係由唔同人寫架！擺左個大烏籠添！真係唔好意思。

跟住又跟〝自家製手工蛋糕~Hand-made Cake〞整〝蜂蜜綠茶蛋糕〞，我吃左覺得都OK，不過，老公話唔好吃，好淋，等我拎回家問下意見先，若然OK就舖食譜出嚟！

我諗住跟之前買既〝美味醬汁Cook得起〞煮白汁，但有D材料冇又有D唔夠，所以都係自己亂煮喇！我用左上次買既意粉量器來量要煮幾多意粉，真係幾好用，因為份量剛好。

我煮左〝白汁雞絲蜆肉意粉〞，當然再加多碗罐頭白湯喇！雖然，白汁係亂煮，我與老公都覺得唔錯，不過，老公話D蜆~腥，我已用薑和蔥出水，但我又係唔多覺。